அதானியின் போலி நிறுவனங்களில் ரூ.20,000 கோடி முதலீடு செய்யப்பட்டுள்ளது, யாருடைய பணம்? என்று ராகுல் காந்தி கேள்வி எழுப்பியுள்ளார்.

அவதூறு வழக்கில் விதிக்கப்பட்ட சிறை தண்டனையை எதிர்த்து ராகுல் காந்தி சூரத் நீதிமன்றத்தில் நேற்று மேல்முறையீடு செய்தார். அப்போது காங்கிரஸ் மூத்த தலைவர்களும் உடன் சென்றனர். இது நீதித்துறையில் செல்வாக்கு செலுத்தும் முயற்சி என பாஜக விமர்சித்துள்ளது.

இந்நிலையில், டெல்லியில் உள்ள காங்கிரஸ் தலைமை அலுவலகத்துக்கு ராகுல் காந்தி நேற்று வந்தார். அப்போது அங்கிருந்த நிருபர் ஒருவர், ‘‘நீதித்துறைக்கு அழுத்தம் கொடுக்கத்தான் கட்சித் தலைவர்கள் புடைசூழ நீதிமன்றத்துக்குப் போனார்கள் என்கிறாரே பா.ஜ.க.

உடனே அந்த பத்திரிக்கையாளரிடம் திரும்பினார் ராகுல் காந்தி. அவரைப் பார்த்து, "ஏன், ஜனதா கட்சியினர் சொல்றதையே சொல்லிக்கிட்டு இருக்கீங்க, ஒவ்வொரு முறையும் பா.ஜ.க. சொல்றதையே சொல்றீங்க," என்றார்.

மேலும், "மிக எளிமையான கேள்வி. அதானியின் போலி நிறுவனங்களில் ரூ.20,000 கோடி முதலீடு, யாருடைய பணம்? இது ப்ராக்ஸி பணம். அந்த பணம் யாருக்கு சொந்தமானது?'' என்றும் அவர் தனது 'டுவிட்டர்' பதிவில், "பிரதமர் ஏன்? மோடி மௌனமா? அவர் ஏன் பயப்படுகிறார்?'' என்று ராகுல் காந்தி கேள்வி எழுப்பியுள்ளார்.

இதனிடையே செய்தியாளரிடம் ராகுல் காந்தி கேள்வி எழுப்பியதற்கு பாரதிய ஜனதா கட்சி கண்டனம் தெரிவித்துள்ளது. கட்சியின் செய்தி தொடர்பாளர் அனில் பலோனி கூறியதாவது:-

ராகுல் காந்தி மீண்டும் பத்திரிக்கையாளர்களை தாக்கியுள்ளார், இந்த முறை தாழ்த்தப்பட்ட வகுப்பினர் மற்றும் ஊடகங்கள் மீது வெறுப்புடன். ஜனநாயகத்தின் நான்காவது தூணான ஊடகங்களை இழிவுபடுத்துவது அவரது அணுகுமுறை..ஜனநாயக ஸ்தாபனத்தைத் தாக்குவதில் அவர் அடிக்கடி தனது பாட்டியைப் பின்பற்றுகிறார். திமிர் பிடித்த பரம்பரையை சேர்ந்தவர் என்று கூறியுள்ளார்.