கோஸ்டா ரிக்கா அணிக்கு எதிராக 7 கோல்களை அடித்து ஸ்பெயின் அணி அதிரடி வெற்றி

Prasuat day's ago

கத்தாரில் நடந்து வரும் உலக கோப்பை கால்பந்து திருவிழாவில் இன்று 'எப்' பிரிவில் நடந்த முதல் போட்டியில் மொரோக்கோ - குரோஷியா அணிகள் மோதின. இந்த போட்டி 0-0 என்ற கோல் கணக்கில் 'டிரா'-வில் முடிந்தது. இதனால் இரு அணிகளுக்கும் தலா ஒரு புள்ளி வழங்கப்பட்டது. இதை தொடர்ந்து நடைபெற்ற 2-வது போட்டியில் 4 முறை உலக சாம்பியனான ஜெர்மனி அணியை வீழ்த்தி ஜப்பான் வெற்றி பெற்றது.

இதை தொடர்ந்து நடைபெற்ற 3-வது போட்டியில் ஸ்பெயின் - கோஸ்டா ரிக்கா (இ பிரிவு) அணிகள் மோதின. இந்த போட்டியில் ஆரம்பம் முதலே ஆதிக்கம் செலுத்திய ஸ்பெயின் அணியின் முன்கள வீரர்கள் கோல் மழைகளை பொழிந்தனர். 

முதல் பாதியில் டானி ஓல்மோ (11-வது நிமிடம்), மார்கோ அசென்சியோ (21-வது நிமிடம்) பெரான் டோரஸ் (31-வது நிமிடம்) ஆகியோரின் கோலால் ஸ்பெயின் அணி 3-0 என்ற கோல் கணக்கில் முன்னிலை பெற்றது.

தொடர்ந்து நடைபெற்ற 2-வது பாதியிலும் கோஸ்டா ரிக்கா அணி வீரர்களால் கோல் அடிக்க முடியவில்லை. அதை நேரத்தில் ஸ்பெயின் அணி வீரர்கள் தொடந்து கோல்கள் அடித்தனர். 

2-வது பாதியில் பெரான் டோரஸ் (54-வது நிமிடம்), ஹாவி (74-வது நிமிடம்), கார்லோஸ் (90-வது நிமிடம்), அல்வரோ (92-வது நிமிடம்) கோல் அடித்தனர். 

இறுதியில் ஸ்பெயின் அணி 7-0 என்ற கோல் கணக்கில் கோஸ்டா ரிக்கா அணியை வீழ்த்தி அபார வெற்றி பெற்றது.