தளபதி 67 படத்தில் நடிக்கும் பிரபலங்களின் போஸ்டரை படக்குழு வெளியிட்டு உள்ளது

லோகேஷ் கனகராஜ் இயக்கத்தில் தளபதி விஜய் நடிப்பில் உருவாக உள்ள தளபதி 67 படத்தை பற்றி பல சுவாரசியமான தகவல்கள் இணையத்தில் வெளியாகி வருகிறது. எப்போதுமே படக்குழுவினர்கள் தங்களது படத்தில் யார் நடிக்கிறார்கள் என்பதை சஸ்பென்ஸாக தான் வைத்திருப்பார்கள்.

அப்படி தான் லோகேஷின் விக்ரம் படத்தில் கூட சூர்யா நடிப்பதை மறைமுகமாக வைத்திருந்தார்கள். ஆனால் கடைசி நேரத்தில் ரசிகர்களுக்கு தெரிந்ததால் விக்ரம் ட்ரெய்லரில் சூர்யாவை லோகேஷ் காட்டி இருந்தார். ஆனால் தளபதி 67 படத்தில் நேற்று அதிகாரப்பூர்வ வெளியான நிலையில் இன்று படத்தில் நடிக்க உள்ள பிரபலங்களின் புகைப்படத்தை தயாரிப்பு நிறுவனம் வெளியிட்டு வருகிறது.

அந்த வகையில் பாலிவுட் நடிகர் சஞ்சய் தத் வில்லனாக நடிக்கிறார். அவரைத் தொடர்ந்து பிரியா ஆனந்த் முக்கியமான கதாபாத்திரத்தில் நடிக்கிறார். மேலும் டான்ஸ் மாஸ்டர் சாண்டி இந்த படத்தில் நடிகராக அறிமுகமாகிறார். இவரை தொடர்ந்து இயக்குனர் மிஸ்கினும் தளபதி 67 படத்தில் முக்கியமான கதாபாத்திரத்தில் நடிக்கிறார்.

லோகேஷின் இன்ஸ்பிரேஷன் ஹீரோவான மன்சூர் அலிகான் முதல்முறையாக அவருடைய படத்தில் நடிக்க உள்ளார். மலையாள நடிகர் மதெவ் தாமஸ் தளபதி 67 படத்தில் நடிக்கிறார். இயக்குனர் கௌதம் வாசுதேவ் மேனன் முக்கியமான கதாபாத்திரத்தில் நடிக்கிறார். இதைத்தொடர்ந்து இந்த படத்தில் அடுத்தடுத்த பிரபலங்கள் யார் நடிக்கிறார் என்ற தகவலை தயாரிப்பு நிறுவனம் தொடர்ந்து வெளியிட இருக்கிறது.