உங்கள் ஜாதகப்படி எப்போது வீடு, மனை அமையும்

வாடகை வீட்டில் வாழும் அனைவர்க்கும் நிச்சயம் வீடு வாங்கும் ஆசை இருக்கும். ஒருவரின் ஜாதகம் அல்லது ராசியின் படி, அவருக்கு வீடு நிலம் வாங்கும் யோகம் எப்போது வரும் என இந்த தொகுப்பில் காணலாம்.

ஒரு காலத்தில் ஆண்கள் தான் சொந்த வீடு வாங்குவதை ஒரு லட்சியமாக வைத்திருப்பார்கள் ஆனால் இப்போது உள்ள காலக்கட்டத்தில் பெண்களும் சொந்த வீடு அல்லது நிலம் வாங்குவதை ஒரு லட்சியமாக வைத்திருக்கிறார்கள்.அதற்கு அவர்களின் ஜாதக அமைப்பும் பொருந்திருக்க வேண்டும்.சொந்த வீடு அல்லது நிலம் வாங்குவது என்பது அனைவருக்கும் அமைவதில்லை.சொந்த வீடு வாங்கும் யோகம் இல்லாதவர்கள் வாங்கினால் வாழ்நாள் முழுவதும் ஏதேனும் பிரச்சனைகள் ஏற்படும்.அந்த வீட்டை விற்க வேண்டிய கட்டாயமும் ஏற்படும்.ஆகையால் ஒரு வீடு அல்லது நிலம் சொந்தமாக வாங்க விரும்பினால் யார் பெயருக்கு வாங்க போகிறீர்கள் என்று யோசித்து அவர்கள் ஜாதகத்தில் அந்த அமைப்பு இருக்கிறதா என்பதை முதலில் பார்க்க வேண்டும்.

அதை எவ்வாறு கண்டறிய வேண்டும் என்பதைப் பார்க்கலாம்.

நம் ஜாதகத்தில் பல்வேறு கிரக சேர்க்கைகள்,பல்வேறு கிரக மாற்றங்கள் அவ்வப்போது நிகழ்ந்து கொண்டு தான் இருக்கும்.அதனால் யாரின் பெயரில் வீடு அல்லது நிலம் வாங்க போகிறீர்கள் என்றால் அவர்களின் ஜாதக அமைப்பு அந்த காலகட்டத்தில் எவ்வாறு இருக்கிறது என்பதை நன்கு ஆராய்ந்து செயல்பட வேண்டும்.ஜாதகத்தில் வீடு வாங்குவதற்கு மிக முக்கியமானது நான்காம் வீட்டில் இருக்கும் கிரகம் தான்.செவ்வாய்,வியாழன்,வெள்ளி ஆகிய மூன்று கிரகங்களும் நான்காம் வீட்டில் நன்கு அமைந்திருந்தால் சொந்த வீடு வாங்கும் யோகம் கட்டாயம் உண்டு.

வியாழன்,வெள்ளி மற்றும் செவ்வாய் கிரகத்தின் அமைப்பைப் பொறுத்தே வீடு வாங்கும் யோகத்தை குறிப்பிடப் படுகிறது.அதாவது வியாழன் கிரகம் ஒன்று,நான்கு,எட்டு,பன்னிரெண்டு ஆகிய வீடுகளில் இருக்க வேண்டும் அல்லது அந்த வீடுகளை பார்த்தவாறு அமைய வேண்டும்.எட்டாவது வீடு நான்காவது வீட்டில் இருந்து நான்கு வீடுகள் அடுத்து அமைந்துள்ளது.ஜாதகத்தில் மூன்று மூன்று வீடுகள் சேர்ந்து ஒரு வீட்டை வலுவாக்கிறது.அந்த மூன்று வீடுகள் நான்காவது எட்டாவது மற்றும் பதினொன்றாவது வீடுகள் ஆகும்.ஒரு ஜாதகத்தில் நான்காவது வீட்டில் வெள்ளி அல்லது நான்காவது வீட்டில் வெள்ளி மற்றும் வியாழன் இவை இரண்டும் அமைந்திருந்தால் வீடு வாங்கும் யோகம் உண்டாகும்.

வியாழன் முக்கிய கிரகங்களில் ஒன்றாகும். வியாழன் ஒன்று, நான்கு, எட்டு அல்லது பத்தாவது வீட்டில் இருந்தால், ஒரு வீட்டை வாங்குவதற்கு அதிக வாய்ப்புகள் உள்ளன.இந்த நான்கு கட்டங்கங்களில் வியாழன் அமைந்தால் வாங்குவது என்னவோ பழமையான வீடாகத் தான் இருக்கும்.ஆனால் சொந்தமான வீடாகும். வியாழன் மற்றும் வெள்ளி இரண்டும் முதல், நான்கு, எட்டு மற்றும் பத்தாவது வீட்டோடு தொடர்பில் இருந்தால், அவை ஒரு அழகான புதிய வீட்டை வாங்குவதற்கு வழிவகுக்கும் இதனின் விளக்கங்கள் சதுர்த்தம்சா விளக்கப்படத்தில் தெளிவாக விவரிக்கப்பட்டுள்ளது.

வீட்டு வாங்குவதற்கான ஜாதக அமைப்பு நான்காம் வீட்டை பொறுத்தது அதாவது ஜாதகத்தில் நான்காம் வீடு எட்டாம் பார்க்க வேண்டும் அவ்வாறு பார்க்கும் போது நான்காம் வீட்டில் செவ்வாய் அமைந்திருந்தால் சொந்த வீடு அல்லது பம்பரை சொத்து வாங்குவது நிச்சயம்.அதே நான்காம் வீட்டில் ராகு அமைந்திருந்தால் வீடு வாங்குவது என்பது சற்றே கடினமானது.அதேப் போல் நான்காம் வீட்டில் கேது அமைந்திருந்தால் ஒரு சொந்த இடத்தை வாங்கலாம் அல்லது இருக்கும் சொந்தமான இடங்களை விற்காமல் காப்பாற்றிக் கொள்ளலாம்.இதுவே நான்காம் வீட்டில் சூரியன் அல்லது சனி அமைந்திருந்தால் வீடு வாங்குவதற்கு யோகம் குறைவு தான் அவர்கள் எப்போதும் வாடகை வீட்டில் குடியிருக்க வேண்டிய சூழ்நிலை ஏற்படும்.

இதுவே ஒருவர் சொந்தமாக வீடு அல்லது நிலம் வாங்க வேண்டும் என்றால் பார்க்க வேண்டிய ஜாதக அமைப்புகள்.ஆகையால் ஜாதகத்தின் மேல் அதீத நம்பிக்கை உள்ளவர்கள் ஒருமுறைக்கு பலமுறை ஆராய்ந்து பின்பு வீடு வாங்குவது நல்லது.ஒருவர்க்கு எவ்வளவு தான் பணப்புழக்கம் அதிகமாக இருந்தாலும் வீடு வாங்கும் யோகம் இருக்காது.எனவே அனைத்தையும் நன்கு பார்த்து அதன் பின்பு வீடோ நிலமோ வாங்குவது வாழ்விற்கு நல்லதாக அமையும்.