அமெரிக்க ஓபனில் இருந்து செரினா வில்லியம்ஸ் விலகல் -ரசிகர்கள் ஏமாற்றம்

உலகின் முன்னணி டென்னிஸ் வீராங்கனை செரீனா வில்லியம்ஸ் (வயது 39). இவர், கிராண்ட் ஸ்லாம் போட்டிகளில் இதுவரை 23 முறை சாம்பியன் பட்டம் வென்று சாதனை படைத்துள்ளார். 
இந்நிலையில், இந்த ஆண்டு சொந்த மண்ணில் நடைபெற உள்ள கிராண்ட் ஸ்லாம் போட்டியில் அவரால் பங்கேற்க முடியாத நிலை ஏற்பட்டுள்ளது. இதனால் ரசிகர்கள் ஏமாற்றம் அடைந்துள்ளனர்.
ஆண்டின் கடைசி கிராண்ட் ஸ்லாம் போட்டியான அமெரிக்க ஓபன், அடுத்த திங்கட்கிழமை தொடங்க உள்ள நிலையில், தொடையில் ஏற்பட்ட காயம் காரணமாக இப்போட்டியில் இருந்து விலகுவதாக செரீனா அறிவித்துள்ளார். இதுதொடர்பாக அவர் தனது இன்ஸ்டாகிராம் பக்கத்தில் பதிவிட்டுள்ளார்.
‘உடல்நிலையை கவனமாக பரிசீலித்து, எனது மருத்துவர்கள் மற்றும் மருத்துவக் குழுவினரின் ஆலோசனையின்பேரில், தொடை தசைநார் கிழிவில் இருந்து முழுமையாக குணமடைவதற்காக அமெரிக்க ஓபனில் இருந்து விலக முடிவு செய்தேன்’ என செரீனா குறிப்பிட்டுள்ளார்.

இச்செய்திக்கு பிரதான அனுசரணை

வீடியோ இங்கே