இந்தியாவில் இருந்து ஒக்ஸிஜனை வாங்குவதை இடைநிறுத்த அரசு  முடிவு

அடுத்த மூன்று வாரங்களுக்கு தேவைப்படும் 1,080 டன் திரவ ஒக்ஸிஜனை இந்தியாவில் இருந்து வாங்குவதற்கான உத்தரவை இடைநிறுத்த அரசு முடிவு செய்துள்ளது.

மருந்து உற்பத்தி, வழங்கல் மற்றும் ஒழுங்குமுறை அமைச்சின் செயலாளர் டொக்டர் ஆர். எம். சமன் குசுமசிறி ரத்நாயக்க இது தொடர்பாக  தெரிவிக்கையில்,

தற்போது ஒக்ஸிஜன் சார்ந்த நோயாளிகளின் எண்ணிக்கையில் கணிசமான சரிவைக் கருத்தில் கொண்டு இந்த முடிவு எடுக்கப்பட்டதாக அவர் கூறினார்.

அந்த நேரத்தில் நிலவிய ஒக்ஸிஜன் பற்றாக்குறையை சமாளிக்க அரசாங்கம் ஆரம்பத்தில் வாரத்திற்கு 360 டன் ஒக்சிஜனை வாங்க திட்டமிட்டது.

அதன்படி, அடுத்த மூன்று வாரங்களுக்கு தேவையான 1,080 டன் திரவ ஆக்ஸிஜனை இருப்பு வைத்துள்ளோம் என்று அவர்குறிப்பிட்டார்.

ஒரு மாதத்திற்கு முன்பு 135 டன் ஒக்சிஜனின் தினசரி நுகர்வு, இப்போது 70 டன்னாக குறைந்துள்ளது என்று அவர் கூறினார்.

அதே வேளை, டொக்டர் ரத்நாயக்க கூறுகையில், தற்போது 560 நோயாளிகள் மட்டுமே ஒக்ஸிஜனை சார்ந்து உள்ளனர்.  முன்பு 1000 க்கு மேல் இருந்தது.

உள்நாட்டில் உற்பத்தி செய்யப்படும் நிறுவனங்களின் ஒக்ஸிஜன் தேவையை இப்போது இலங்கை பூர்த்தி செய்ய முடியும். 

இருப்பினும், ஒக்ஸிஜனின் தேவை அதிகரிக்கும் போது, ​​இடைநீக்கத்தை ரத்து செய்து அதற்கேற்ப அவற்றை வாங்க நாங்கள் நடவடிக்கை எடுப்போம் என்று அவர் மேலும் கூறினார்.

இச்செய்திக்கு பிரதான அனுசரணை

வீடியோ இங்கே