ரஞ்சனை இப்போதாவது மன்னியுங்கள்:  கீதா குமாரசிங்க

ரஞ்சன் ராமநாயக்கவை இப்போதாவது மன்னியுங்கள் என  ஜனாதிபதியிடம் மிகவும் உருக்கமாக வேண்டுகோள் விடுப்பதாக   பாராளுமன்ற உறுப்பினர் கீதா குமாரசிங்க நேற்று (01) தெரிவித்துள்ளார்.

அவர் கொலை செய்யவில்லை,  பெண்களை பாலியல் பலாத்காரம் செய்யவில்லை என  கீதா குமாரசிங்க தெரிவித்துள்ளார். 

தான் இதற்கு மன்னரும் ரஞ்சன் ராமநாயக்கவை மன்னிக்குமாறு கோரிக்கை விடுத்திருந்தும் எவ்வித பதிலும் கிடைக்காமை வருத்தமளிப்பதாக அவர் தெரிவித்தார். 

ரஞ்சன் எனது சக கலைஞர்களில் ஒருவர். அவருடன் படத்தில் முக்கிய கதாபாத்திரங்களில் நடித்தேன். 
ஆனால் அவர் இன்று சிறையில் இருப்பது வருத்தமளிக்கிறது.

ரஞ்சன் மன்னிக்காத அளவுக்கு  பெரிய குற்றம் செய்யவில்லை. இருப்பினும் அவரை மன்னிக்குமாறு நான் ஜனாதிபதியிடம் தயவுடன் கேட்டுக்கொள்கிறேன் என பாராளுமன்ற உறுப்பினர் கீதா குமாரசிங்க மேலும் குறிப்பிட்டார்.