சத்தான வெஜிடபிள் பணியாரம்

காய்கறிகளை சாப்பிட மறுக்கும் குழந்தைகளுக்கு பணியாரம் செய்யும் போது அதில் காய்கறிகளை கலந்து செய்து கொடுக்கலாம். இதனால் காய்கறிகளின் சத்து குழந்தைகளுக்கு கிடைக்கும்.

தேவையான பொருட்கள்

பச்சரிசி - 1 கிலோ

 உளுந்து - 1/4 கிலோ
கேரட் - 1 கப்
தேங்காய் - 1 கப்
வெந்தயம் - 1 டீஸ்பூன்
உப்பு - தேவையான அளவு
ப.மிளகாய் - 3
முட்டைக்கோஸ் - 100 கிராம்
கறிவேப்பிலை, கொத்தமல்லி, புதினா - விருப்பத்திற்கேற்ப
எண்ணெய், உப்பு - தேவையான அளவு

தாளிதம் : கடுகு, உளுந்தப்பருப்பு

செய்முறை:

கேரட், கொத்தமல்லி, ப.மிளகாய், முட்டைகோஸ், புதினா, தேங்காயை பொடியாக நறுக்கி கொள்ளவும்.

பச்சரிசியில் வெந்தயம் போட்டு ஊற வைத்து அரைக்கவும்.

பிறகு உளுந்தப்பருப்பையும் அரைத்து இரண்டையும் உப்பு போட்டு கரைத்து வைத்துக் கொள்ளவும்.

மறுநாள் காலை கடுகு, உளுந்தப்பருப்பு, கேரட், முட்டைக்கோஸ், தேங்காய், ப.மிளகாய், கறிவேப்பிலை, கொத்தமல்லி, புதினாவை போட்டு தாளித்து மாவில் போட்டு கரைத்து கொள்ளவும்.

பணியார கல்லை அடுப்பில் வைத்து சூடானதும் சிறிது எண்ணெய் ஊற்றி மாவை பணியாரமாக ஊற்றி வெந்ததும் திருப்பி போட்டு வேக வைத்து எடுத்து பரிமாறவும்.

இப்போது சூப்பரான சத்தான வெஜிடபிள் பணியாரம் ரெடி.

இச்செய்திக்கு பிரதான அனுசரணை

வீடியோ இங்கே