வேர்க்கடலை வெஜிடபிள் சாலட்

காலையில் சாலட் சாப்பிடுவது உடல் ஆரோக்கியத்திற்கு மிகவும் நல்லது. அந்த வகையில் இன்று வேர்க்கடலை, வெஜிடபிள் சேர்த்து சாலட் செய்வது எப்படி என்று பார்க்கலாம்.

தேவையான பொருட்கள்  

ஊற வைத்து வேக வைத்த வேர்க்கடலை - ஒரு கப்,

பொடியாக நறுக்கிய வாழைத் தண்டு - கால் கப்,
வெள்ளரித் துண்டுகள் - கால் கப்,
கேரட் துண்டுகள் - கால் கப்,
தக்காளி துண்டுகள் - 2 டேபிள்ஸ்பூன்,
பொடியாக நறுக்கிய பச்சை மிளகாய் - 1,
எலுமிச்சைச் சாறு - , ஒரு டீஸ்பூன்,
கடுகு - ஒரு டீஸ்பூன்,
எண்ணெய் - அரை டீஸ்பூன்,
உப்பு - தேவையான அளவு
பொடியாக நறுக்கிய கொத்தமல்லி - 2 டீஸ்பூன்.

செய்முறை

ஒரு பாத்திரத்தில் வேக வைத்த வேர்க்கடலையை போட்டு அதனுடன் நறுக்கிய வாழைத்தண்டு, வெள்ளரிக்காய், கேரட், தக்காளி, ப.மிளகாய் போட்டு நன்றாக கலக்கவும்.

அடுத்து அதில் எலுமிச்சை சாறு, உப்பு சேர்த்து நன்றாக கலந்து கொள்ளவும்.

கடாயில் எண்ணெய் ஊற்றி சூடானதும் கடுகு போட்டு தாளித்து சலாட் கலவையில் கொட்டி கொத்தமல்லி தூவி பரிமாறவும்.

சத்தான சுவையான சாலட் ரெடி.

இச்செய்திக்கு பிரதான அனுசரணை

வீடியோ இங்கே