வீடு கட்ட ஜோஸியப்படி சிறந்த வாஸ்து.

சொந்த வீடு கட்ட வேண்டுமா?

நம்மில் பலருக்கு சொந்த வீடு, தொழில், புகழ் என பரம்பரையாக கிடைப்பதுண்டு. ஆனால் பலரின் நிலைமை எப்போது நாம் வாடகை வீட்டிலிருந்து சொந்த வீடு கட்டி செல்வது என்று மனம் ஏங்கும்.

வீடு கட்ட நினைப்பவர்கள் தான் சேமித்து வகைத்திருக்கும் பணத்திற்கு எந்த அளவு, எந்த இடத்தில் இடம் கிடைக்குமோ அங்கு வாங்க நினைப்பார்கள். அப்படி வீடு கட்டுவதற்காக நிலம் வாங்கும் போது, அது உங்கள் ஜாதகத்திற்கு ஒத்து வருமா?, அங்குள்ள மண் வீடு கட்ட உகந்ததா?, நிலம் சரியான வடிவில் இருக்கின்றதா என்பதை பார்த்து வாங்குவது அவசியம்.

வீடு கட்டுவதற்கு ஏற்ற நிலம் எது?

வீடு கட்ட எந்த வடிவ நிலம் இருந்தால் சிறப்பானது என்பதைப் பார்ப்பதற்கு முன், நீங்கள் வீடு கட்டுவதற்காக வாங்க நினைக்கும் நிலம் எப்படிப்பட்ட மண் இருந்தால் நல்லது என்பதை தெரிந்து கொள்வது நல்லது.

நீங்கள் வாங்கக்கூடிய நிலம் வெள்ளை அல்லது சிவப்பு மண்ணில் (செம்மண்) ஹைட்ராக்சைடுகள் மற்றும் இரும்புச்சத்து அதிகம் உள்ளது.

பிள்ளைகள் விளையாடக்கூடிய சீன களிமண் போன்ற வெள்ளை களிமண் பிளாஸ்டிக் போன்றது எனலாம். உறுதித்தன்மை இருக்காது என்பதால் அத்தகைய நிலம் வாங்குவதை அதிகபட்சம் தவிர்ப்பது நல்லது.

வெளிர் கருப்பு மற்றும் சாம்பல் நிற களிமண், மணல் கலந்த களிமண் போன்ற மண் உள்ள நிலத்தை வீடு கட்டுவதற்கு வாங்குவது நல்லது என்று வாஸ்து பரிந்துரைக்கப்படுகிறது.

வாஸ்து சரியில்லாத இடத்தில் வீடு கட்டுவதால் ஏற்படும் பிரச்னைகள்

பலர் நல்ல செல்வந்தராக இருந்தாலும், அவர் பெயரில் பல சொந்த வீடுகள் இருந்தாலும், அவர் வாடகை வீட்டில் வசித்து வருவார். கேட்டால் இந்த வீடு அதிர்ஷ்டமாக இருக்கிறது என்பார். அல்லது தன் சொந்த வீட்டுக்கு சென்றால் உடல் நல பாதிப்பு, பொருளாதார பிரச்னை சந்திக்கிறேன் என சொல்வதுண்டு.

நீங்கள் வீடு கட்டி குடியேறும் போது வாஸ்து பார்த்து வீடு கட்டுவதோடு, உங்கள் ராசிக்கு அதாவது குடும்ப தலைவனின் ராசி, நட்சத்திரத்திற்கு எந்த திசையில் வாசல் இருக்கின்ற வீடு சரியானதாக இருக்கும் என்பதை இங்கு பார்த்து அதற்கேற்றார் போல வீடு கட்டுவது நல்லது.

இந்த பதிவில் எந்த வடிவிலான நிலம் வீடு கட்ட உகந்தது. எந்த வடிவ நிலம் வீடு கட்டக்கூடாது என்பதை பார்ப்போம்.

​சதுரம், செவ்வக வடிவ நிலம் வீடு கட்ட அதிர்ஷ்டமானது?

எந்த வடிவ நிலம் வீடு கட்ட உகந்தது? - Which Shape Of House Is Best?

வாஸ்து சாஸ்திரத்தின் படி வீடு கட்ட எந்த வகையான மண் உள்ள நிலம் வாங்குவது நல்லது என்பதை தெரிந்து கொள்வதோடு, எந்த வடிவ நிலம் வாங்குவது நல்லது என்பதையும் தெரிந்து கொண்டு நிலம் வாங்குவது நல்லது.

சதுரம், செவ்வக வடிவ நிலம் வீடு கட்ட வாங்குவது அதிர்ஷ்டமானது. அத்தகைய நிலத்தில் வீடு கட்டி குடியேறினால், உங்களின் துன்பமும், வறுமையும் நீங்கும் என்பது நம்பிக்கை. வணிக ரீதியாகவும் இந்த நிலம் மிகவும் மங்களகரமானதாகக் கருதப்படுகிறது.

அதே போல நாம் கட்டும் வீட்டின் அறைகள் வாஸ்து சாஸ்திர அளவுகளின் அடிப்படையில் சதுரம், செவ்வகமாக அமைவதும் நல்லது.

வட்ட வடிவ, L வடிவ நிலம் வாங்கலாமா?

வட்ட வடிவ நிலம் வாங்கலாமா? Circle shape plot

வட்டம், நீள் வட்டம், முக்கோணம் வடிவ நிலத்தை வாங்குவதைத் தவிர்ப்பது நல்லது. இவை சில எதிர்மறையான விளைவுகளை ஏற்படுத்தக்கூடிய இருக்கும்.

L வடிவ நிலம் வீடு கட்ட உகந்ததா? - Is L shaped house good as per Vastu?

உங்கள் வசிப்பிடமாகத் தனித்துவமான ஒன்றை உருவாக்க விரும்பினால், எல் வடிவ வீட்டு வாஸ்து உங்களுக்கு நல்லது. ப்ளாட்டின் ஏதேனும் ஒரு மூலை துண்டிக்கப்பட்டாலோ அல்லது ஒரு ப்ளாட்டின் மூலையில் ஏதேனும் ஒரு பகுதி நீட்டிக்கப்பட்டாலோ, ஒரு ப்ளாட் எல் வடிவமாக மாறும்.