2022 இல் உக்கிர சனியின் பெயர்ச்சியால் யார் அவதானமாக இருக்க வேண்டும்?

ஒவ்வொரு ராசிக்கும் 2022ல் நடக்கும் முக்கிய கிரகப் பெயர்ச்சி எப்படி ஒருவருக்கு தாக்கத்தை ஏற்படுத்தும், குறிப்பாக சனி பகவானின் அதிசார, வக்ர பெயர்ச்சியின் காரணமாக, எந்த ராசியெல்லாம் நற்பலனையும், கெடுபலனையும் பெறுவார்கள் என்பதைப் பார்ப்போம்.

2022ல் நடக்கும் முக்கிய கிரகப் பெயர்ச்சி

ஆண்டு பலனைக் கணிக்கக்கூடிய ஜோதிட கணிப்புகள் பெரும்பாலும் அந்த ஆண்டில் நடக்கும் முக்கிய கிரக பெயர்ச்சிகளையும், எந்த இடத்தில் அமர்ந்திருக்கக்கூடிய குறிப்பிட்ட கிரகம் எந்த மாதம் வரை ஒரு ராசிக்கு அதிர்ஷ்டம் தரும் அல்லது கெடுபலனைத் தரக்கூடியதாக இருக்கும் என்பதைப் பொருத்து தான் பலன் அமையும்.

ஒரு கிரகம் அதிக நற்பலன் தரக்கூடிய இடத்திலும், ஒரு கிரகம் பெரியளவில் நற்பலன் தராத இடத்தில் அமர்ந்தால் எந்தளவுக்கு நற்பலன் கிடைக்கும் என்பதைப் பொருத்து அந்த ராசிக்கான பலன் குறிப்பிடப்படுகிறது.

அந்த வகையில் 2022ல் நடக்கும் முக்கிய கிரகப் பெயர்ச்சி எப்படி ஒருவருக்கு தாக்கத்தை ஏற்படுத்தும், குறிப்பாக சனி பகவானால் எந்த ராசியெல்லாம் நற்பலனையும், கெடுபலனையும் பெறுவார்கள் என்பதைப் பார்ப்போம்.

​2022 புத்தாண்டு தொடக்கம்:

ஆங்கில புத்தாண்டு 2022 விருச்சிக ராசியில் இருக்கும் கேட்டை நட்சத்திரத்தில் கன்னி லக்கினத்தில் பிறக்கிறது.

2022 புத்தாண்டில் நடக்கும் முக்கிய பெயர்ச்சிகள்: Planet Transit In 2022 New Year

12 ஏப்ரல் 2022 அன்று ராகு - கேது பெயர்ச்சி நிகழ்கிறது. இதில் ராகு ரிஷப ராசியிலிருந்து மேஷ ராசிக்கும், கேது விருச்சிக ராசியிலிருந்து துலாம் ராசிக்கும் பெயர்ச்சி ஆவார்கள்.

13 ஏப்ரல் 2022 அன்று குரு பகவான் அதிசார பெயர்ச்சியாக கும்ப ராசியிலிருந்து மீன ராசிக்கு பெயர்ச்சி ஆக உள்ளார்.

29 ஏப்ரல் 2022 அன்று சனி பகவான் மகரத்திலிருந்து, கும்ப ராசிக்கு அதிசாரமாக பெயர்ச்சியாக உள்ளார்

மேஷம் 2022 ஆங்கில புத்தாண்டு ராசி பலன்கள்

5 ஜூன் 2022 அன்று சனி பகவான் வக்ர பெயர்ச்சியாக கும்பத்தில் இருப்பார்.

12 ஜூலை 2022 அன்று சனி பகவான் கும்பத்திலிருந்து வக்ர பெயர்ச்சியாக மகரத்தை அடைவார்.

23 அக்டோபர் 2022 அன்று சனி மகரத்தில் மீண்டும் நேர்கதியாக பெயர்ச்சி அடைவார்.

இந்த கிரகப் பெயர்ச்சியில் சனி பகவானின் நகர்வு நிகழ்வு மிக முக்கிய பங்கு வகிப்பதாக அமைகிறது.

2022 ​சனிபகவானின் மாற்றம்:

2022ம் ஆண்டு சனி பகவான் தன்னுடைய நிலையிலிருந்து இரண்டு முறை மாறுவார் என்பதால் ஒவ்வொரு ராசிக்கும் பெரியளவிலான தாக்கத்தை ஏற்படுத்துவார்.

கிரகப்பெயர்ச்சிகளுக்கான பலன்களை ஒருவர் அறிய நினைக்கும் போது சனிப் பெயர்ச்சி பலன் அறிவதில் மிகுந்த ஆர்வம் காட்டுவது வழக்கம். ஏனெனில் அதிக காலம் (இரண்டரை ஆண்டு) ஒரு ராசியில் அமர்ந்து பலன் தரக்கூடியவர் சனி என்பதால் அவர் அனைத்து ராசிகளிலும் பெரிய தாக்கத்தை ஏற்படுத்தக்கூடியவர்.

ரிஷபம் 2022 புத்தாண்டு பலன் : எல்லா கிரக பெயர்ச்சிகளால் அதிர்ஷ்டம் பெறும் ராசி

இப்படிப்பட்ட சூழலில் 2022 ல் சனி பகவான் தான் அமர்ந்திருக்கும் இடத்திலிருந்து அதிசாரமாக அடுத்த ராசிக்கு சென்று பின் வக்கிரமாக மீண்டும் பழைய இடத்திற்கு திரும்புவார். சனியின் பார்வையால் பெரியளவிலான தாக்கம் 8 ராசிகள் மீது நிகழ உள்ளது.

​சனி அதிசார பெயர்ச்சி (ஏப்ரல் 29)

2022 ஏப்ரல் மாதத்தில் சனி பகவான் மகரத்திலிருந்து, கும்ப ராசிக்கு அதிசாரமாக நுழைய உள்ளார்.

இதுவும் சனி பகவானின் சொந்த ராசியாகும். 30 ஆண்டுகளுக்குப் பின்னர் இந்த பெயர்ச்சி நிகழ உள்ளது.

தனுசு
துலாம்
கன்னி
மிதுனம்
ரிஷபம்
மேஷம்
12 ஜூலை 2022 வரை இந்த ராசிகளுக்கு நற்பலன்கள் கிடைக்கும்.

கெடுபலன்கள் பெற உள்ள ராசிகள்

கும்ப ராசிக்கு அதிசாரமாக செல்வதால் மீன ராசிக்கு ஏழரை சனி தொடங்கும். அதோடு கடக ராசிக்கு அஷ்டம சனி பலன் உண்டாகும்.

விருச்சிக ராசிக்கு அர்த்தாஷ்டமச் சனி பலன் உண்டாகும்.

சிம்ம ராசிக்கு கண்டக சனி பலன் ஏற்படும்.

​சனியால் பாதிப்பு ஏற்படாத ராசிகள்:

கும்பத்திற்கு செல்வதால் தனுசு ராசி ஏழரை சனியிலிருந்து விடுபடுவதோடு, மிதுனம் மற்றும் துலாம் ராசியினர் சனி கெடுபலனிலிருந்து நிவாரணம் பெற்று பல நன்மைகளை அடைவார்கள்.

இந்த பலன் 2023ல் நடக்க உள்ள சனிப் பெயர்ச்சியின் போதும் பொருந்தும்.
மரகத்திற்கு திரும்புவதால் ஏற்படும் பலன்:

2022ம் ஆண்டில் கும்ப ராசிக்கு அதிசாரமாக சென்ற சனி 12 ஜூலை 2022 அன்று திரும்பும் போது தனுசு, மிதுனம் மற்றும் துலாம் ராசிகளுக்கு மீண்டும் சனியின் கெடு பலன்கள் ஏற்படும்.

பின்னர் ஜனவரி 17, 2023 அன்று நடக்க உள்ள சனிப்பெயர்ச்சி வரை மீனம், கடகம், விருச்சிகம் ஆகிய ராசியினருக்கு சனி பகவானின் கெடுபலன் தொல்லை நீங்கி நற்பலன்கள் ஏற்படும்.

சோதிடம் தொடர்பாக மேலும் அனைத்துப் பலன்களைப் பார்வையிட இதில் கிலிக் செய்யவும்.