வைத்தியசாலையின் ஊழியர்களை ஏற்றிச் சென்ற வேன் 20 அடி பள்ளத்தில் விழுந்து விபத்து! 9 பேர் காயம்
டிக்கோயா ஆதார வைத்தியசாலையின் ஊழியர்களை ஏற்றிச் சென்ற வேன் ஒன்று இன்று (30) மாலை 6.45 மணியளவில் விபத்துக்குள்ளாகியுள்ளது.
இந்த விபத்தில் வேனில் பயணித்த ஒன்பது வைத்தியசாலை ஊழியர்கள் காயமடைந்து டிக்கோயா ஆதார வைத்தியசாலையில் அனுமதிக்கப்பட்டுள்ளதாக ஹட்டன் பொலிஸார் தெரிவித்தனர்.
ஹட்டன் - பொகவந்தலாவ பிரதான வீதியில் ஹட்டன் டிக்கோயா வனராஜா தோட்ட தேயிலை தொழிற்சாலைக்கு அருகில் இந்த விபத்து இடம்பெற்றுள்ளது.
வைத்தியசாலை ஊழியர்களை ஏற்றிச் சென்ற வாகனம் சாலையில் இருந்து தவறி சுமார் 20 அடி பள்ளத்தில் கவிழ்ந்தது.
கிரிக்கெட் போட்டியில் கலந்து கொண்டு வைத்தியசாலைக்கு திரும்பிக் கொண்டிருந்தபோது விபத்துக்குள்ளானது.
விபத்தின் போது, 16 மருத்துவமனை ஊழியர்கள் வேனில் இருந்தனர் மற்றும் காயமடைந்த வைத்தியசாலை ஊழியர்கள் வேனில் இருந்து இறக்கி வைத்தியசாலைக்கு கொண்டு செல்லப்பட்டனர்.
வேன் தனியார் வாகனம் எனவும் அதிவேகமே விபத்துக்குக் காரணம் எனவும் விபத்து தொடர்பில் விசாரணைகளை மேற்கொண்டு வரும் ஹட்டன் பொலிஸார் தெரிவித்தனர்.
