தி எனிக்மா" என்று அழைக்கப்படும் கருப்பு வைரம் ரூ.32 கோடிக்கு ஏலம்
555 காரட்கள் கொண்ட "தி எனிக்மா" என்று அழைக்கப்படும் கருப்பு வைரம் பல கோடி ஆண்டுகளுக்கு முன்பு ஒரு விண்கல் அல்லது சிறுகோள் பூமியைத் தாக்கியபோது உருவானதாக நம்பப்படுகிறது. உலகின் மிகப்பெரிய வெட்டப்பட்ட இந்த வைரம் லண்டனில் கடந்த புதன்கிழமை ரூ.32 கோடிக்கு ஏலம் விடப்பட்டது
555.55 காரட், 55 முகங்கள் கொண்ட வைரமானது லண்டனின் புகழ்பெற்ற சோத்பியின் ஏல நிறுவனத்தால் நடத்தப்பட்ட ஆன்லைன் ஏல விற்பனையில் விற்கப்பட்டது.
இது குறித்து ஏல நிறுவனம் கூறுகையில், "இயற்கை ரசாயன நீராவி படிவுகளை உருவாக்கும் விண்கல் தாக்கங்கள் அல்லது சூப்பர்நோவா வெடிப்பிலிருந்து வேற்று கிரக தோற்றம் ஆகியவற்றிலிருந்து இந்த குறிப்பிட்ட வகை கருப்பு வைரம் உருவாகியிருக்கலாம் என்று கருதப்படுகிறது என்று தெரிவித்துள்ளது.
எனிக்மா ஒரு ரத்தினத் தரம் வாய்ந்த வைரம் அல்ல, மேலும் கார்பனாடோஸ் பொதுவாக நகைகளில் பயன்படுத்தப்படுவதில்லை அல்லது ஏலத்தில் விற்கப்படுவதில்லை, ஆனால் சமீபத்தில் பிரபலமடைந்து வருகின்றன. அவற்றின் அசாதாரண கடினத்தன்மை காரணமாக அவை பொதுவாக துளையிட பயன்படுத்தப்படுகின்றன.
கடந்த ஆண்டு ஹாங்காங்கில், கீ 10138 வைரம் ரூ.93 கோடிக்கு விற்கப்பட்டது, இது கிரிப்டோ-கரன்சியை பயன்படுத்தி வாங்கப்பட்டது குறிப்பிடத்தக்கது.
