உலக சந்தையில் ஏற்பட்டுள்ள கடும் உயர்வு : நேற்று நள்ளிரவு முதல் பெற்றோல் விலை அதிகரிப்பு:

நேற்று நள்ளிரவு முதல் அமுலுக்கு வரும் வகையில் லங்கா ஐஓசி தனது எரிபொருட்களின் விலைகளை அதிகரித்துள்ளது.

இதன்படி, ஒரு லீற்றர் பெற்றோலின் விலை 20 ரூபாவினால் அதிகரிக்கப்பட்டுள்ளதாக அந்நிறுவனம் தெரிவித்துள்ளது.

ஒரு லீற்றர் டீசலின் விலை 15 ரூபாவால் அதிகரிக்கப்பட்டுள்ளதாகவும் அந்நிறுவனம் தெரிவித்துள்ளது.

லங்கா ஐஓசி நிறுவனமும் கடந்த 6ஆம் திகதி எரிபொருள் விலையை அதிகரித்ததுடன், இந்த மாதத்தில் இரண்டு தடவைகள் எரிபொருட்களின் விலையை அதிகரித்துள்ளமை குறிப்பிடத்தக்கது.

அதன்படி, லங்கா ஐஓசி நிறுவனத்தின் பெற்றோல் ஒரு லீட்டரின் விலை 203 ஆக அதிகரிக்கப்பட்டுள்ளது.

மேலும், ஒரு லீட்டர் டிசல் 139 ரூபாவாக அதிகரிக்கப்படவுள்ளதாக அந்த நிறுவனம் அறிவித்துள்ளது.

இலங்கையில் உள்ள இந்தியன் ஆயில் கார்ப்பரேஷனின் துணை நிறுவனம் வெளியிட்டுள்ள அறிக்கையில், உலக சந்தையில் ஏற்பட்டுள்ள கடும் உயர்வு காரணமாக பெட்ரோல் மற்றும் டீசல் விற்பனை விலையை திருத்த வேண்டிய கட்டாயம் ஏற்பட்டுள்ளதாக தெரிவித்துள்ளது.

எல்ஐஓசியின் நிர்வாக இயக்குநர் திரு. மனோஜ் குப்தா, தற்போதைய சர்வதேச விலைகளின்படி தற்போது இழப்புகள் மிக அதிகமாக இருப்பதாகவும், எரிபொருள் விலையை அதிகரிக்குமாறு அவர்கள் தொடர்ந்து அரசாங்கத்திடம் கோரிக்கை விடுத்து வருவதாகவும் தெரிவித்தார்.

இதை கருத்தில் கொண்டு பெட்ரோல், டீசல் விலையை உயர்த்த வேண்டிய கட்டாயம் ஏற்பட்டுள்ளது. "இருப்பினும், இந்த விலை உயர்வுக்குப் பிறகும், நடைமுறையில் உள்ள சர்வதேச விலையில் இன்னும் கடுமையான இழப்புகள் இருக்கும்."

தொற்றுநோய் சூழ்நிலையின் கீழ், அந்நிய செலாவணி வரத்து குறைவதால் நாடு கடுமையான அந்நிய செலாவணி நெருக்கடியை எதிர்கொள்கிறது, உலக எரிபொருள் விலையில் அபரிமிதமான அதிகரிப்பு நாட்டின் அந்நிய செலாவணி இருப்புக்களை மேலும் மோசமாக பாதிக்கிறது என்று அவர் விளக்கினார்.

இச்செய்திக்கு பிரதான அனுசரணை

வீடியோ இங்கே