ஏழு மூளைகள் கொண்ட நிதியமைச்சர் நாடு சீரழியும் போது ஏன் பார்த்துக் கொண்டிருக்கிறார்? விமல் வீரவன்ச கேள்வி

நாடு எதிர்நோக்கும் நெருக்கடியை போக்க நிபுணர்களின் உதவியை நாட வேண்டும் என்றும் ஆணவமான நடத்தையை ஒதுக்கித் தள்ள வேண்டும் என்றும் அமைச்சர் விமல் வீரவன்ச தெரிவித்துள்ளார்.

நாட்டில் தற்போது நிலவும் பொருளாதார நெருக்கடியை சமாளிக்க 11 அரசாங்க பங்காளிகள் இணைந்து தயாரித்த தீர்மானத்தை உள்ளடக்கிய ‘முழு நாடும் சரியான பாதைக்கு ‘ என்ற தேசிய விஞ்ஞாபனம் நேற்று  (02/03) ஸ்ரீ ஜயவர்தனபுர கோட்டே மொனார்க் இம்பீரியல் மண்டபத்தில் வெளியிடப்பட்டது.

தனக்கு 7 மூளைகள் இருப்பதால் யாருடைய ஆலோசனையையும் கேட்காமல் சிலர் செயல்படுவதை அனுமதிக்க முடியாது என நிதி அமைச்சர் கூறுகிறார்.

“நாட்டை மீண்டும் கட்டியெழுப்ப முதலில் நிபுணர்களின் உதவி தேவை. ‘எனக்கு ஏன் நிபுணர்களின் உதவி தேவை’ என்ற ஆணவ மனப்பான்மையால் இந்த சவாலைச் சமாளிக்க முடியாது. இதற்கு உதவுவதற்கு  IMF மட்டுமின்றி பல நிறுவனங்கள் உள்ளன.”

“இந்த சூழ்நிலையில் நடவடிக்கை எடுக்க பரிந்துரைத்து ஆறு மாதங்களாக 9 கடிதங்களை அனுப்பி  வைத்துள்ளேன். எனினும் இந்தக் கடிதங்கள் எதற்கும் பதில் இல்லை.” என மத்திய வங்கியின் ஆளுநர் கூறுகிறார். நாடு இவ்வாறான அந்நியச் செலாவணி நெருக்கடியில் சிக்கித் தவிக்கும் நேரத்தில், மத்திய வங்கி ஆளுநரை சந்திக்க நிதி அமைச்சருக்கு நேரமில்லை.  தானாக  இதற்குத் தீர்வு கிடைக்கும் வரை காத்திருக்கிறாரா?”

“நெருக்கடியால் நாடு நலிவடையும் போது, MMC போன்ற ஒப்பந்தங்களில் வெளிநாடுகளுடன்  கையெழுத்திட வேண்டிய கட்டாயம் ஏற்படும். இதற்கும் காத்திருப்பார்களோ என்ற சந்தேகம் எழுகிறது. நாம் வாழ்வதற்கும் இறப்பதற்கும் ஒரே நாடு மட்டுமே உள்ளது. சிலருக்குப் போன்று  இரட்டைக் குடியுரிமை இல்லை.” என அவர் மேலும் தெரிவித்தார்.

இச்செய்திக்கு பிரதான அனுசரணை

வீடியோ இங்கே