நயன்தாரா போல் மாறிய ஸ்ரீதேவி மகள் ஜான்வி!

நயன்தாரா நடித்த கோலமாவு கோகிலா திரைப்படம் இந்தியில் ரீமேக் செய்யப்பட்டுள்ளது. இதில் நயன்தாரா நடித்த வேடத்தில் ஸ்ரீதேவியின் மூத்த மகள் ஜான்வி கபூர் நடித்துள்ளார்.

2018ல் நெல்சன் திலீப்குமார் இயக்கத்தில் கோலமாவு கோகிலா திரைப்படம் வெளியானது. லைகா தயாரித்திருந்த இந்தப்படத்தில் கோகிலா என்ற வேடத்தில் நயன்தாரா நடித்து இருந்தார்.

சந்தர்ப்பவசத்தால் போதைப்பொருள் கடத்த வேண்டிய சூழ்நிலைக்கு தள்ளப்படும் பெண்ணாக அவர் இதில் நடித்தார். அவரது குடும்பம் அவருக்கு உதவி செய்யும். பிளாக் காமெடி கிரைம் திரைப்படமான இதனை லைகா இந்தியில் ரீமேக் செய்து உள்ளது.

லைகா உடன் இயக்குனர் ஆனந்த் எல் ராய் இணைந்து இந்தி ரீமேக்கை தயாரித்துள்ளார். படத்துக்கு குட்லக் ஜெர்ரி என பெயர் வைத்துள்ளனர்.

நயன்தாரா நடித்த கோகிலா வேடத்தை இந்தியில் ஸ்ரீதேவியின் மூத்த மகள் ஜான்வி கபூர் செய்துள்ளார். இதில் அவர் ஜெர்ரி என்ற கதாபாத்திரத்தில் வருகிறார். இந்த படம் முடிவடைந்துள்ளது.

விரைவில் டிஸ்னி  + ஹாட்ஸ்டார் ஓடிடியில் நேரடியாக படத்தை வெளியிட திட்டமிட்டுள்ளனர்.

கோலமாவு கோகிலா படத்தின் வெற்றிதான் நெல்சன் திலீப்குமாருக்கு டாக்டர் திரைப்படத்தையும், பீஸ்ட் திரைப்படத்தையும் இயக்குவதற்கான வாய்ப்பை பெற்று தந்தது.

மூன்றே படங்களில் அவர் ரஜினியை வைத்து படம் இயக்க போகிறார். இவை அனைத்துக்கும் அடித்தளமாக இருந்தது கோலமாவு கோகிலா படத்தின் வெற்றி என்பது குறிப்பிடத்தக்கது.