தமிழ் திரைப்படங்களில் வருவது போல் கொள்ளையடிக்கும் கும்பல்!
முல்லைத்தீவு பிரதேசத்தில் பல வீடுகளில் கூரிய ஆயுதங்களை காட்டி கொள்ளையடித்த கும்பலைச் சேர்ந்த 6 பேரை புதுக்குடியிருப்பு பொலிஸார் கைது செய்துள்ளனர்.
புதுக்குடியிருப்பு, கொம்பாவில், தேவிபுரம், விஸ்வமடு பகுதிகளில் கூரிய ஆயுதங்களுடன் வீடுகளுக்குள் புகுந்து மக்களை தாக்கி மிரட்டி தங்க நகை கொள்ளையடிக்கும் கும்பலை புதுக்குடியிருப்பு பொலிஸார் கைது செய்துள்ளனர்.
புதுக்குடியிருப்பு பொலிஸ் நிலையப் பொறுப்பதிகாரிக்குக் கிடைத்த புலனாய்வுப் பிரிவின் பிரகாரம் முதலில் பெண் ஒருவர் கைது செய்யப்பட்டு பின்னர் சந்தேகநபர்கள் வீட்டில் பதுங்கியிருந்த நிலையில் கைது செய்யப்பட்டுள்ளார்.
கைதுசெய்யப்பட்ட சந்தேகநபர்கள் தமிழ்த் திரைப்படங்களில் கொள்ளையடிப்பது போன்று பெண்கள் மட்டும் வீடுகளில் கொள்ளையடித்து தங்க நகைகளை கொள்ளையடித்து பெண்ணிடம் ஒப்படைத்து வீதியோரமாக விற்பனை செய்து வந்துள்ளனர்.
இந்த கும்பல் கடந்த காலங்களிலும் பல குற்றச்செயல்களில் ஈடுபட்டுள்ளதாக தகவல்கள் வெளியாகியுள்ளதாக பொலிஸார் தெரிவித்தனர். சந்தேகநபர்கள் முழங்காவில் மற்றும் செல்வபுரம் பிரதேசங்களைச் சேர்ந்த 20 மற்றும் 30 வயதுடையவர்கள் எனத் தெரியவந்துள்ளது.
கைது செய்யப்பட்ட சந்தேக நபர்களை முல்லைத்தீவு நீதவான் நீதிமன்றில் ஆஜர்படுத்த உள்ளதாக புதுக்குடியிருப்பு பொலிஸார் தெரிவித்தனர்.
