பிரஜைகளின் அடிப்படை உரிமைகளை பாதுகாக்க உடனடி நடவடிக்கை எடுக்குமாறு இலங்கை வர்த்தக சம்மேளனம் கோரியுள்ளது

அலரிமாளிகைக்கு வெளியேயும் காலி முகத்திடலிலும் ஆர்ப்பாட்டக்காரர்கள் மீது நடத்தப்பட்ட வன்முறைத் தாக்குதல்களால் இலங்கை வர்த்தக சம்மேளனம் மிகவும் வருத்தமடைந்துள்ளதுடன், அமைதியான போராட்டக்காரர்கள் மீதான தாக்குதலைத் தடுக்க அரசாங்கம் மற்றும் ஆயுதப்படைகள் உடனடி நடவடிக்கை எடுக்குமாறு கேட்டுக்கொள்கின்றது.

இதற்குப் பொறுப்பானவர்களைக் கண்டறிந்து உரிய நடவடிக்கை எடுக்க பக்கச்சார்பற்ற விசாரணை நடத்தப்பட வேண்டும் என இலங்கை வர்த்தக சம்மேளனம் வலியுறுத்துகிறது.

குடிமக்களின் அடிப்படை உரிமைகளைப் பாதுகாக்க உடனடி நடவடிக்கை எடுக்கத் தவறினால், சட்டம் ஒழுங்கைப் பராமரிப்பதில் கடுமையான விளைவுகளை ஏற்படுத்தும் மற்றும் நாடு எதிர்கொள்ளும் கடுமையான பொருளாதார மற்றும் அரசியல் நெருக்கடியைத் தீர்ப்பதற்கான தற்போதைய முயற்சிகளை சீர்குலைக்கும்.