பிரச்சினைகள் தீர்க்கப்படும் வரை இலங்கைக்கு நிலக்கரி வழங்குவதில்லை: விநியோகஸ்தர்கள் முடிவு

குற்றச்சாட்டுகள் தீர்க்கப்படும் வரை லக்விஜய மின் உற்பத்தி நிலையத்திற்கு நிலக்கரியை வழங்க முடியாது என விநியோகஸ்தர்கள் அறிவித்துள்ளதாக மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

அதற்கமைவாக, நிலக்கரி கொள்வனவுக்கான மாற்று யோசனைகள் தொடர்பான கலந்துரையாடல் தனது தலைமையில் இடம்பெற்றதாக அமைச்சர் குறிப்பிட்டார். நிலக்கரி நிறுவனத்தின் அதிகாரிகள் மற்றும் சம்பந்தப்பட்ட விநியோகஸ்தர்கள்  கலந்துரையாடலில் கலந்துகொண்டனர்.

பல்வேறு அரசியல் மற்றும் வியாபார நோக்கங்களுக்காக நிலக்கரி கொள்வனவு செய்வது தொடர்பில் சமூகத்தில் நெருக்கடியான சூழல் உருவாக்கப்பட்டுள்ளதாக ஆலோசிக்கப்பட்டுள்ளது.

இதன்படி, அரசின் கொள்முதல் நடவடிக்கைகளை தொடர்ந்து, டெண்டர் முறையில் நிலக்கரி பெறுவதற்கு தேர்ந்தெடுக்கப்பட்ட குறைந்த ஏலத்தை வழங்கிய விநியோகஸ்தர்கள்  முறையான குற்றச்சாட்டுகளை தீர்க்கும் வரை நிலக்கரி விநியோகம் செய்ய முடியாது என தெரிவிக்கப்பட்டுள்ளது.

எவ்வாறாயினும், லக்விஜய அனல்மின் நிலையத்திற்கு தேவையான நிலக்கரியை விரைவாக பெற்றுக் கொள்வதற்கும், இழந்த விநியோகத்தை மீட்டெடுப்பதற்கும், அந்த மக்களுக்கும் நிறுவனங்களுக்கும் எதிராக சட்டரீதியாக நடவடிக்கை எடுப்பதற்கும் கவனம் செலுத்தப்பட்டுள்ளதாக மின்சாரம் மற்றும் எரிசக்தி அமைச்சு தெரிவித்துள்ளது.

நுரைச்சோலை லக்விஜய நிலக்கரி ஆலையில் நிலக்கரி அக்டோபர் 20 முதல் 25 வரை மட்டுமே கிடைக்கும்.

தற்போதைய நெருக்கடிக்கு உடனடித் தீர்வு காணப்படாவிட்டால் எதிர்காலத்தில் 10 முதல் 12 மணித்தியாலங்களுக்கு மின்சாரம் தடைப்படும் என இலங்கை மின்சார சபையின் பொறியியலாளர் சங்கம் தெரிவித்துள்ளது.

இச்செய்திக்கு பிரதான அனுசரணை

வீடியோ இங்கே