நீதவான் ஒருவரை அடைத்து வைத்துவிட்டு அவரது உத்தியோகபூர்வ காரை திருடிச் சென்ற நபர்

நவீன இரண்டு மாடி வீடொன்றில் நீதவான் ஒருவரை அடைத்து வைத்து அவரது உத்தியோகபூர்வ கார் திருடப்பட்ட செய்தியொன்று பிலியந்தலை, மடபாத பிரதேசத்தில் இருந்து பதிவாகியுள்ளது.

வாடகை அடிப்படையில் வீட்டை வாங்க வந்த நபர் ஒருவர் காரை எடுத்துச் சென்று மாஜிஸ்திரேட்டை வீட்டில் அடைத்து வைத்துள்ளார்.

நீதவான் ஒருவர் பிலியந்தலை மடபாத பிரதேசத்தில் உள்ள தனது நவீன பாணியிலான இரண்டு மாடி சொகுசு வீட்டை வாடகைத் தளத்திற்கு வழங்குவதற்கு பிரபல இணையத்தளமொன்றில் விளம்பரம் ஒன்றை வெளியிட்டு அதன் பிரகாரம் நேற்றைய தினம் குறித்த வீட்டை பார்வையிட நபர் ஒருவர் வந்துள்ளார்.

அதன்படி, பிலியந்தலை மடபட பிரதேசத்தில் அமைந்துள்ள வீட்டை கொள்வனவு செய்தவருக்கு காண்பிப்பதற்காக நீதவான் தனது சொகுசு காரில் வந்துள்ளார்.

எனினும், நீதவான் வீட்டைக் காண்பிக்கும் போது, ​​குறித்த நபர் நீதவானை மாடியில் வைத்து பூட்டிவிட்டு கதவை மூடிவிட்டு நீதவானின் சொகுசு காருடன் தப்பிச் சென்றுள்ளார்.

கீழ் தளத்தில் காரின் சாவியை நீதவான் வைத்திருந்ததால், குறித்த நபர் காருடன் தப்பிச் சென்றுள்ளதாக தெரிவிக்கப்படுகின்றது.

குறித்த நபர் மாஜிஸ்திரேட்டின் காருடன் தப்பிச் செல்வது சிசிடிவி காட்சிகளில் பதிவாகியுள்ளது.

எவ்வாறாயினும், அவர் சிறை வைக்கப்பட்டிருந்த மேல்மாடி ஜன்னல் வழியாக குதித்த நீதவான்இ இது தொடர்பில் பொலிஸாருக்கு அறிவித்துள்ளார்.

பின்னர் பொலிஸார் நடத்திய விசாரணையில் சந்தேக நபர் வாடகைக்கு எடுக்கப்பட்ட முச்சக்கரவண்டியில் குறித்த வீட்டிற்கு சென்றுள்ளது தெரியவந்துள்ளது.

இச்செய்திக்கு பிரதான அனுசரணை

வீடியோ இங்கே