மக்கள் தொகையை அதிகரிக்க புது முயற்சியில் இறங்கிய சீனா அரசு

மக்கள்தொகை பெருக்கத்தை கட்டுப்படுத்த தம்பதிகளுக்கு ஒரு குழந்தை மட்டுமே பெற்றுக்கொள்ள அனுமதி அளித்த சீனா, தற்போது தனது குடிமக்களை மூன்று குழந்தைகள் வரை பெற்றுக் கொள்ள வேண்டும் என வலியுறுத்துகிறது. இதற்காக பல்வேறு கவர்ச்சிகரமான திட்டங்கள் அறிவிக்கப்பட்டுள்ளன.

சிச்சுவான் மாகாண அரசாங்கம் இளம் சீனர்கள் திருமணம் செய்யாமல் குழந்தைகளைப் பெறலாம் என்று அறிவித்தது, ஆனால் பல முயற்சிகள் இருந்தும், மக்கள் தொகையை அதிகரிக்க முடியவில்லை.சீனாவைப் பொறுத்தவரை, அதன் மக்கள்தொகை சமீபத்திய ஆண்டுகளில் பெரும் சரிவைச் சந்தித்துள்ளது, இது 61 ஆண்டுகளில் மிகக் குறைவு. சீனாவில் கடந்த ஆண்டு பிறப்புகளை விட அதிகமான இறப்புகள் இருந்தன, மேலும் கருவுறாமை அதிகரித்து வருகிறது, குறிப்பாக பல இளைஞர்கள் திருமணத்தை தாமதப்படுத்துவதால் மற்றும் கருவுறுதல் விகிதம் குறைந்து வருகிறது.

இதன் விளைவாக தற்போது கல்லூரி மாணவர்களும் விந்தணு தானம் செய்ய முன்வருமாறு அழைப்பு விடுக்கப்பட்டுள்ளது. குழந்தை இல்லாத தம்பதிகளின் கனவுகளை நிறைவேற்றுவதற்காக சீன மாகாணங்கள் இப்போது விந்தணு தானம் செய்பவர்களை நாடுகின்றன. கடந்த 15 ஆண்டுகளாக சீன இளைஞர்களின் விந்தணுக்களின் தரம் குறைந்து வருவதால், விந்தணு வங்கிகள் உடல் ரீதியாகவும் உளவியல் ரீதியாகவும் தானம் செய்யத் தயாராக உள்ளவர்களைக் கண்டறிய வலை வீசுகின்றன.

மேலும், 20 வயது முதல் 40 வயது வரையிலான, மரபணு நோய்கள் எதுவும் இல்லாத ஆரோக்கியமான ஆண்கள் விந்தணு தானம் செய்ய அழைக்கப்படுகிறார்கள்.Shaanxi, Yunnan, Shandong, Jianxi, Hainan உள்ளிட்ட பல்வேறு மாகாணங்களில் உள்ள விந்தணு வங்கிகள், தானமாக பெறப்பட்ட விந்தணுக்களை சேமிக்க தேவையான ஏற்பாடுகள் தேவை என அறிவிப்புகளை வெளியிட்டுள்ளன.

மேலும் விந்தணு தானம் செய்ய முன்வருபவர்களுக்கு 60,000 முதல் 85,000 யுவான் வரை மானியம் வழங்கப்படும் என்றும் சீன அரசு தெரிவித்துள்ளது. ஒரு காலத்தில் மக்கள் தொகையை கட்டுப்படுத்த முடியாமல் இருந்த சீனா, தற்போது அதே மக்கள் தொகையை அதிகரிக்க போராடி வருகிறது.

இச்செய்திக்கு பிரதான அனுசரணை

வீடியோ இங்கே