பாலிவுட்டில் இருந்து பிரியங்கா சோப்ரா விலக காரணம் என்ன? கங்கனா ரணாவத்தின் சர்ச்சை பதிவு

பிரியங்கா சோப்ரா தமிழ் திரைப்படத்தில் விஜய்க்கு ஜோடியாக "தமிழன்" திரைப்படத்தில் அறிமுகமானார், விரைவில் இந்தி திரைப்படங்களில் முன்னணி பாத்திரங்களுக்கு நன்கு அறியப்பட்டார். அமெரிக்க பாப் பாடகர் நிக் ஜோனாஸை மணந்த இவர் தற்போது ஹாலிவுட் படங்களில் நடித்து வருகிறார்.

இந்நிலையில் இந்தி திரையுலகில் தனக்கு பட வாய்ப்பு கிடைக்காமல் இருக்க ஒரு கும்பல் சதி செய்துள்ளதாக புகார் தெரிவித்துள்ளார். பிரியங்கா சோப்ரா அளித்த பேட்டியில், "இந்தி திரையுலகில் என்னை ஒரு மூலையில் தள்ள முயன்றனர். எனக்கு பட வாய்ப்புகள் கிடைக்காமல் தடுக்க ஒரு கும்பல் வேலை செய்தது.

அவர்களுடன் அரசியல் விளையாட முடியாது என்று தோன்றியதால் சினிமாவில் இருந்து ஓய்வு எடுக்க நினைத்தேன். அதன் பிறகு ஒரு இசை ஆல்பத்தில் வேலை செய்ய அமெரிக்கா சென்றேன்.இந்தி திரையுலகில் நிலவும் அரசியல் பிரச்சனைகளால் இந்தி படங்களில் நடிப்பதை குறைத்துக்கொண்டதாக அவர் கூறினார்.

இந்நிலையில், பாலிவுட்டில் இருந்து பிரியங்கா சோப்ரா வெளியேறியதற்கு பிரபல இயக்குனரும் தயாரிப்பாளருமான கரண் ஜோஹரை நடிகை கங்கனா ரனாவத் குற்றம் சாட்டியுள்ளார். இது குறித்து அவர் தனது சமூக வலைத்தளத்தில் குறிப்பிட்டுள்ளதாவது, ஷாருக்கானுடனான நட்பின் காரணமாக பிரியங்கா சோப்ராவை இந்தியாவை விட்டு வெளியேற்ற கரண் ஜோஹர் விரும்புவதாக குறிப்பிட்டுள்ளார். பாலிவுட்டை கலங்க வைக்கும் இதுபோன்ற செயலுக்கு கரண் ஜோஹர்தான் பொறுப்பேற்க வேண்டும்.எனவும் குறிப்பிட்டுள்ளார்.

 

இச்செய்திக்கு பிரதான அனுசரணை

வீடியோ இங்கே