சக்தி வாய்ந்த மனிதனால் கொடுக்கப்பட்ட வாக்குறுதி! 'கே.ஜி.எப் -3' ஹிண்ட் கொடுத்த படக்குழு

பிரசாந்த் நீல் இயக்கத்தில் யாஷ் நடிப்பில் கடந்த ஆண்டு வெளியான படம் "கேஜிஎஃப்-2". இதில் சஞ்சய் தத், ரவீனா தாண்டன், ஸ்ரீநிதி ஷெட்டி உள்ளிட்ட பலர் நடித்துள்ளனர். ரசிகர்களின் பெரும் எதிர்பார்ப்புடன் வெளியான இப்படம் பல முன்னணி ரசிகர்களின் படங்களை முறியடித்து பாக்ஸ் ஆபிஸில் சாதனை படைத்தது.

'கேஜிஎஃப்-2' திரைப்படம் வெளியாகி ஒரு வருடத்தில், படக்குழு சமூக வலைதளங்களில் ஒரு பதிவை பகிர்ந்துள்ளது. அந்த பதிவில், 'கேஜிஎஃப்-2' திரைப்படம் மறக்க முடியாத கதாபாத்திரங்கள் மற்றும் அதிரடி காட்சிகள் மூலம் நம்மை ஒரு கலைப் பயணத்தில் அழைத்துச் செல்கிறது. பதிவுகள் தகர்த்தெறியப்பட்டு பார்வையாளர்கள் படத்தின் மீது காதல் கொண்டுள்ளனர்.

மேலும், இதோடு வீடியோ ஒன்றையும் வெளியிட்டுள்ளது. அந்த வீடியோவின் 36-வது நொடியில் '1978-81 வரை ராக்கி எங்கே இருந்தார்?' என அடுத்த பாகத்திற்கு ஹிண்ட் கொடுக்கப்பட்டுள்ளது. இதனால் உற்சாகமடைந்த ரசிகர்கள் வீடியோவை அதிகம் பகிர்ந்து வருகின்றனர். இயக்குனர் பிரசாந்த் நீல் 'கேஜிஎப் -3' திரைக்கதை பணியில் ஈடுப்பட்டுள்ளார் என்பது குறிப்பிடத்தக்கது.