சிவகார்த்திகேயன் நடிக்கும் 'அயலான்' திரைப்படம் தீபாவளிக்கு வெளியாகும் என தகவல்

கேஜேஆர் ஸ்டூடியோஸ் நிறுவனம் தயாரிப்பில் ‘நேற்று இன்று நாளை’ படத்தின் இயக்குநர் ரவிக்குமார் இயக்கத்தில் உருவாகி வரும் படம் “அயலான்”. இந்த படத்தில் சிவகார்த்திகேயன் ஹீரோவாகவும், ரகுல் ப்ரீத் சிங் ஹீரோயினாகவும் நடித்து வருகின்றனர். மேலும் சரத் கேல்கர், இஷா கோபிகர், யோகிபாபு, கருணாகரன்  உள்ளிட்ட பலரும் இப்படத்தில் இணைந்துள்ளனர். 

ஏ.ஆர்.ரஹ்மான் இசையமைத்துள்ள இப்படத்தில் இருந்து முதல் பாடல் ஏற்கனவே வெளியாகி வரவேற்பை பெற்றது. மேலும் இப்படத்தில் வேற்றுக்கிரகவாசிகள் தொடர்பான காட்சிகள் அதிகளவில் இடம் பெற உள்ளதால் தரமான கிராஃபிக்ஸ் பணிகளை படக்குழு மேற்கொண்டு வருகிறது

தனை தொடர்ந்து படக்குழுவிடம் இருந்து அதிகாரப்பூர்வமாக எந்த ஒரு அப்டேட்டும் வெளியாகாத நிலையில் நேற்று ஒரு அறிக்கை வெளியானது. அதில், "இப்படம் பான்-இந்தியன் திரைப்படத்திற்கு அதிக எண்ணிக்கையிலான CGI காட்சிகளைக் கொண்டிருக்கும் திரைப்படமாக உருவாகியுள்ளது.

படக்குழு குறிப்பிட்டது போல் இன்று காலை 11.04 மணிக்கு அயலான் படத்தின் அப்டேட் வெளியாகியுள்ளது. அதன்படி படத்தின் ரிலீஸ் குறித்த அறிவிப்பை வெளியிட்ட படக்குழு இந்தாண்டு தீபாவளி பண்டிகையை முன்னிட்டு இப்படம் வெளியாகும் என தெரிவித்துள்ளது. அதனை குறிப்பிட்டு புதிய போஸ்டரையும் படக்குழு வெளியிட்டுள்ளது.

அதில் ஏலியன் உடன் சிவகார்த்திகேயன் பறந்து செல்வது போல் புகைப்படமும் இடம்பெற்று உள்ளது.