சவாலான வேலைகளையும் சாதாரணமாக செய்து வெற்றி காணும் ரிஷப ராசியினர் - இன்றைய ராசிபலன்

மேஷம்: 

அசுவினி: அடுத்தவரை நம்பி ஈடுபடும் செயல்களில், எதிர்பார்த்த நன்மையை அடைய முடியாமல் போகும். பரணி: உறவுகளால் இன்று நெருக்கடிகள் தோன்றும். அனுசரித்துச் செல்வது நன்மையாகும். கார்த்திகை 1: வெளியூர் பயணத்தில் கவனம் தேவைப்படும். நீங்கள் மேற்கொள்ளும் முயற்சி இழுபறியாகும்.

ரிஷபம்: 

கார்த்திகை 2, 3, 4: நீண்ட நாள் எண்ணம் ஒன்று நிறைவேறும். உங்கள் செல்வாக்கு உயரும். வருமானம் கூடும். ரோகிணி: சவாலான வேலைகளையும் சாதாரணமாக செய்து முடிப்பீர்கள். நண்பர்கள் ஆதரவு நன்மையாகும். மிருகசீரிடம் 1, 2: செயல்களில் வெற்றி காண்பீர்கள். வாழ்க்கைத் துணையின் ஆலோசனை பலன்தரும்

மிதுனம்: 

மிருகசீரிடம் 3,4: குடும்பப் பிரச்னைகளைத் தீர்த்து வைப்பீர்கள். எதிரிகள் உங்களிடம் சரணடைவார்கள். திருவாதிரை: சொத்து விஷயத்தில் நீண்ட நாட்களாக இழுபறியாக இருந்த விவகாரம் இன்று முடிவிற்கு வரும். புனர்பூசம் 1, 2, 3: வியாபாரத்தை விரிவு செய்ய திட்டமிடுவீர்கள். பொருளாதாரத்தில் முன்னேற்ற நிலை உண்டாகும்.

கடகம்: 

புனர்பூசம் 4: பிள்ளைகள் எதிர்காலம் குறித்த முயற்சியில் ஈடுபடுவீர்கள். எதிர்பார்த்த வரவு வந்து சேரும். பூசம்: உங்கள் உதவியை எதிர்பார்த்து உறவினர்கள் வருவார்கள். உங்கள் செல்வாக்கு உயரும். ஆயில்யம்: நீண்ட நாட்களாக திட்டமிட்டிருந்த வேலையை அடுத்தவர் உதவியுடன் இன்று நிறைவேற்றுவீர்கள்.

சிம்மம்: 

மகம்: எதிர்பாராத பயணம் உண்டாகும் என்றாலும், அதனால் லாபம் அடைவீர்கள். பூரம்: நீங்கள் சந்திக்க நினைத்தவர்களை இன்று சந்தித்து மகிழ்வீர்கள். நண்பர்களிடம் ஏற்பட்ட சங்கடங்கள் தீரும். உத்திரம் 1: வியாபாரத்தில் ஏற்பட்ட நெருக்கடிகளை சரி செய்வீர்கள். தடைகளைத் தாண்டி வெற்றியடைவீர்கள்.

கன்னி: 

உத்திரம் 2, 3, 4: உங்கள் வாழ்க்கைக்காக தைரியமான ஒரு முடிவை எடுப்பீர்கள். நிதிநிலை உயரும். அஸ்தம்: பெற்றோர் வழியில் எதிர்பார்த்த லாபம் உண்டாகும். உங்கள் திறமை வெளிப்படும். ஆதாயமான நாள். சித்திரை 1, 2: உங்களைச் சுற்றி இருப்பவர்களில் நல்லவர் யார் கெட்டவர் யார் என்பதை தெரிந்து கொள்வீர்கள்.

துலாம்: 

சித்திரை 3, 4: இழுபறியாக இருந்த வேலை முடியும். கணவன் மனைவிக்குள் இருந்த பிரச்னை தீரும். சுவாதி: வியாபாரத்தில் எதிர்பார்த்த வருவாய் உண்டாகும். பண விஷயத்தில் கவனம் அவசியம் விசாகம் 1, 2, 3: கூட்டுத் தொழில் தொடங்கும் முயற்சியை மேற்கொள்வீர்கள். உங்கள் ஆலோசனையை பிறர் ஏற்பர்.

விருச்சிகம்: 

விசாகம் 4: எளிதாக முடிய வேண்டிய வேலைகளும் இழுபறியாகும். மனதில் குழப்பம் அதிகரிக்கும். அனுஷம்: ராசிக்குள் சந்திரன் இருப்பதால் உங்கள் வழக்கமான செயல்களிலும் தடுமாற்றம் ஏற்படும். கேட்டை: உங்கள் எதிர்பார்ப்புகள் தள்ளிப் போகும். பிறரது விஷயத்தில் தலையிடாமல் இருப்பது நன்மையாகும்.

தனுசு: 

மூலம்: வீண் அலைச்சல் அதிகரிக்கும். நெருக்கமானவர்களிடம் மனஸ்தாபம் ஏற்படும். பூராடம்: மறைமுக எதிரிகளால் தொல்லை உண்டாகும். எதிர்பாராத செலவுகளால் நெருக்கடிக்கு ஆளாவீர்கள். உத்திராடம் 1: வியாபாரத்தில் வேலையாட்களிடம் உங்கள் கோபத்தை வெளிப்படுத்த வேண்டாம்.

மகரம்: 

உத்திராடம் 2, 3, 4: திட்டமிட்டு செயல்பட்டு முயற்சியில் வெற்றி காண்பீர்கள். குல தெய்வ வழிபாடு நன்மையாகும். திருவோணம்: உங்களுக்கு வர வேண்டிய பணம் வீடு தேடி வந்து சேரும். முயற்சிகள் வெற்றியாகும். அவிட்டம் 1, 2: குடும்பத்தினர் விருப்பத்தை நிறைவேற்றுவீர்கள். நண்பர்கள் உதவியுடன் நினைத்ததை சாதிப்பீர்கள்.

கும்பம்: 

அவிட்டம் 3, 4: வியாபாரத்தில் புதிய முறையை கையாள்வீர்கள். நட்பு வட்டம் விரிவடையும். சதயம்: நீங்கள் எதிர்பார்த்த பணம் உங்கள் கைக்கு வரும். மற்றவர் நலனில் அக்கறை செலுத்துவீர்கள். பூரட்டாதி 1, 2, 3: வாழ்க்கைத் துணையின் எதிர்பார்ப்பை நிறைவேற்றி பாராட்டு பெறுவீர்கள். 

மீனம்: 

பூரட்டாதி 4: குடும்பப் பிரச்னையை பேசி சரி செய்வீர்கள். புதிய சொத்து வாங்க முயற்சி மேற்கொள்வீர்கள். உத்திரட்டாதி: மனதில் இருந்த குழப்பம் நீங்கும். விலகிச் சென்ற உறவினர்கள் உங்களைத் தேடி வருவார்கள். ரேவதி: நீண்ட நாட்களாக இழுபறியாக இருந்த ஒரு செயல் இன்று நிறைவேறும். நிதிநிலை உயரும்.