பிரதமர் மோடி தனது ட்வீட்டில், நமது முன்னாள் பிரதமர் பண்டிட் ஜவஹர்லால் நேருவுக்கு மரியாதை செலுத்துவதாக தெரிவித்துள்ளார்.

இந்தியாவின் முதல் பிரதமராகவும், நீண்ட காலம் அந்தப் பதவியில் இருந்த நேரு, 1964 ஆம் ஆண்டு பதவியில் இருக்கும்போதே காலமானார். பண்டிட் ஜவஹர்லால் நேருவுக்கு தனது அஞ்சலியை செலுத்துகிறேன் என்று மோடி தனது ட்வீட்டில் தனது இரங்கலைத் தெரிவித்தார்.

நாட்டின் முதல் பிரதமராக இருந்த நேரு, 1964ம் ஆண்டு மே 27ம் தேதி தனது 74வது வயதில் காலமானார்.1947ல் இருந்து இறக்கும் வரை பிரதமராக பதவி வகித்தார். குழந்தைகள் மீதான பாசத்திற்கு பெயர் பெற்ற அவர், அவர்களால் சாச்சா நேரு என்று அன்புடன் அழைக்கப்பட்டார்.

இன்று டெல்லியில் உள்ள நேருவின் நினைவிடத்தில் காங்கிரஸ் கட்சியின் அகில இந்திய தலைவர் மல்லிகார்ஜுன கார்கே, காங்கிரஸ் மூத்த தலைவர் ராகுல் காந்தி, காங்கிரஸ் தேசிய பொதுச்செயலாளர் கே.சி.வேணுகோபால் ஆகியோர் மலர் தூவி மரியாதை செலுத்தினர்.