இந்தியாவில் ஆண்டுக்கு ஆண்டு 8 லட்சம் புற்றுநோய் இறப்புகள் அதிகரித்து வருகின்றன!

மக்களவை உறுப்பினர் ஒருவர் நாட்டில் புற்றுநோயால் ஏற்படும் இறப்புகள் மற்றும் பாதிப்புகள் குறித்து கவலை எழுப்பினார். மத்திய சுகாதாரம் மற்றும் குடும்ப நல அமைச்சகம் எழுத்துப்பூர்வமாக பதில் அளித்துள்ளது. மத்திய அரசின் சுகாதாரம் மற்றும் குடும்ப நலத் துறையானது, தேசிய சுகாதார இயக்கத்தின் ஒரு பகுதியான தொற்றா நோய்களைத் தடுப்பதற்கும் கட்டுப்படுத்துவதற்கும் தேசிய திட்டத்தின் மூலம் மாநிலங்கள் மற்றும் யூனியன் பிரதேசங்களுக்கு தொழில்நுட்ப மற்றும் நிதி உதவிகளை வழங்குகிறது. இந்த திட்டத்தில் புற்றுநோய் சேர்க்கப்பட்டுள்ளது, இது புற்றுநோய் தடுப்பு உள்கட்டமைப்பின் வளர்ச்சி, சுகாதார நிபுணர்களுக்கு பயிற்சி, ஆரோக்கியத்தை மேம்படுத்துதல் மற்றும் விழிப்புணர்வை ஏற்படுத்துதல் மற்றும் ஆரம்பகால நோயறிதல் ஆகியவற்றை வலியுறுத்துகிறது. கூடுதலாக, நோயாளிகள் தங்கள் சிகிச்சைக்கு நிதி உதவி பெறுகிறார்கள்.

அதெவேளை, நாட்டில் கடந்த 2020-ம் ஆண்டு 13 லட்சத்து 92 ஆயிரத்து 179 பேருக்கு புற்றுநோய் பாதிப்பு இருந்துள்ளது. இது 2021-ம் ஆண்டு 14 லட்சத்து 26 ஆயிரத்து 447 ஆக அதிகரித்து, 2022-ம் ஆண்டு 14 லட்சத்து 61 ஆயிரத்து 427 ஆக உயர்ந்துள்ளது.

அதைப்போல் புற்றுநோய் இறப்புகளை எடுத்துக்கொண்டால் 2020-ம் ஆண்டு 7 லட்சத்து 70 ஆயிரத்து 230 பேரும், 2021-ம் ஆண்டு 7 லட்சத்து 89 ஆயிரத்து 202 பேரும், 2022-ம் ஆண்டு 8 லட்சத்து 8 ஆயிரத்து 558 பேரும் இறந்துள்ளனர்.