'ஜெயிலர்' படத்தின் டிரைலர் இன்று வெளியானது

இயக்குனர் நெல்சன் இயக்கத்தில் ரஜினி தற்போது 'ஜெயிலர்' திரைப்படத்தில் நடித்துள்ளார். இப்படத்தில் மலையாள நடிகர் மோகன்லால், கன்னட நடிகர் சிவராஜ்குமார், பிரியங்கா மோகன், ரம்யா கிருஷ்ணன், யோகி பாபு, வசந்த் ரவி, விநாயகன் மற்றும் பிற முக்கிய நடிகர்கள் முக்கிய வேடங்களில் நடித்துள்ளனர்.

இப்படத்தில் ரஜினி, முத்துவேல் பாண்டியன் என்ற கதாபாத்திரத்தில் ஜெயிலராக நடிக்கிறார். அதிரடி சண்டை படமாக தயாராகி வரும் இப்படத்திற்கு அனிருத் இசையமைக்கிறார். 'ஜெயிலர்' படத்தின் 'காவாலா' மற்றும் 'இது டைகரின் கட்டளை' பாடல்கள் சமீபத்தில் வெளியாகி ரசிகர்களை கவர்ந்து வருகிறது. இதையடுத்து இந்த படத்தின் இரண்டாவது பாடலான "ஹுக்கும்" எனப்பெயரிடப்பட்ட பாடல் வெளியானது. மூன்றாவது பாடலான "ஜுஜுபி" வெளியானதும் ரசிகர்களிடம் நல்ல வரவேற்பை பெற்றது.

'ஜெயிலர்' படத்தின் இசை வெளியீடு விழா சென்னை நேரு உள்விளையாட்டு அரங்கில் நடந்தது. இந்நிலையில் ‘ஜெயிலர்’ படத்தின் டிரைலர் இன்று வெளியாகி இணையத்தில் வைரலாகி வருகிறது.