திருகோணமலை வருமானத்தை ஈட்டும் ஆற்றல் மிக்க பிரதேசமாக மாறும் - திலும் அமுனுகம!

திருகோணமலை பிரதேசத்தை மையமாக கொண்டு நடைமுறைப்படுத்தப்படும் பசுமை ஆற்றல் புதுப்பிக்கத்தக்க எரிசக்தி திட்டத்தின் ஊடாக இந்நாட்டில் வருமானத்தை ஈட்டும் ஆற்றல்மிக்க பிரதேசமாக இது அமையும் என இராஜாங்க அமைச்சர் திலும் அமுனுகம தெரிவித்துள்ளார்.  

திருகோணமலையில் எரிபொருள் நிரப்பு நிலையமொன்றை திறந்து வைக்கும் நிகழ்வில் கலந்து கொண்டதன் பின்னர் ஊடகங்களுக்கு கருத்து தெரிவித்த அவர் இவ்வாறு கூறினார். 

இதன்போது மேலும் கருத்து வெளியிட்ட அவர்,  ”எதிர்காலத்தில் புதுப்பிக்கத்தக்க எரிசக்தி எரிபொருளுக்கு நிகரான பெறுமதிமிக்கதாக அமையும். 

இப்போது எண்ணெய் வளம் உள்ள நாடுகள் பெரும் செல்வந்த நாடுகளாக மாறிவிட்டன, எதிர்காலத்தில் எரிபொருளை உற்பத்தி செய்ய காற்று, சூரிய ஒளி மற்றும் நீர் தேவைப்படும். 

இது எங்களுக்கு போதுமான நாடு, அதனால்தான் இந்த திருகோணமலை பகுதி பசுமை எரிசக்தி என்று பெயரிடப்பட்டது. 

ஜனாதிபதியின் வேலைத்திட்டத்தின்படி இந்த திருகோணமலை பிரதேசத்தையும் இந்தியாவையும் ஒன்றிணைத்து அந்த நிறுவனத்துடன் இணைந்து பசுமை ஆற்றல் மையமாக அபிவிருத்தி செய்தால் சில வருடங்களில் அதிக வருமானம் ஈட்டும் பிரதேசமாகவும் எதிர்காலத்தில் பச்சை ஹைட்ரஜன் எண்ணெய் உள்ள பகுதி போல மாறும், அதுதான் குறிக்கோள்” எனத் தெரிவித்துள்ளார். 

இச்செய்திக்கு பிரதான அனுசரணை

வீடியோ இங்கே