இங்கிலாந்தில் இருந்து வந்த யாழ்.யுவதி 13வது மாடியில் இருந்து தவறி விழுந்து மரணம்: சந்தேகத்தின் பேரில் காதலன் கைது

இங்கிலாந்து குடியுரிமையுடன் யாழ்ப்பாணத்தை சேர்ந்த யுவதி ஒருவர் கல்கிஸ்ஸ பிரதேசத்தில் உள்ள வீடொன்றின் 13வது மாடியில் இருந்து தவறி விழுந்து உயிரிழந்துள்ளதாக பொலிஸார் தெரிவித்துள்ளனர்.

 குறித்த யுவதி முகநூல் மூலம் தான் அடையாளம் காணப்பட்டதாக இலங்கையில் உள்ள இளைஞன் ஒருவரின் அழைப்பின்படி, கல்கிஸ்ஸ அல்விஸ் பிளேஸ்இ ஒலுவிஷன் வீட்டு வளாகத்தில் உள்ள ஒரு வீட்டில் தற்காலிகமாக வந்து தங்கியிருந்துள்ளார்.

 27 வயதுடைய யுவதியே இவ்வாறு உயிரிழந்துள்ளதாக பொலிஸார் தெரிவிக்கின்றனர். இச்சம்பவம் நேற்று முன்தினம் (09) அதிகாலை 2.00 மணியளவில் இடம்பெற்றுள்ளது.

 இந்த யுவதி நேற்று (10ம் திகதி) இங்கிலாந்துக்கு செல்லவிருந்ததாக தெரியவந்துள்ளதாகவும் பொலிஸார் தெரிவிக்கின்றனர்.

 உயிரிழந்த யுவதியுடன் பேஸ்புக் மூலம் அடையாளம் காணப்பட்டதாகக் கூறப்படும் 29 வயதுடைய இளைஞன், இந்தச் சம்பவம் தொடர்பில் சந்தேகத்தின் பேரில் பொலிஸ் காவலில் வைக்கப்பட்டதாக பொலிஸார் தெரிவித்தனர்.

 இந்த யுவதி வெள்ளவத்தை பிரதேசத்தில் வசிக்கும் சட்டக்கல்லூரி மாணவி ஒருவரை முகநூல் சமூக வலைத்தளங்கள் மூலம் அடையாளம் கண்டு பின்னர் இருவருக்கும் இடையில் காதல் உறவை ஆரம்பித்துள்ளார்.

 ஒன்லைனில் முன்பதிவு செய்து, கல்கிஸ்ஸயில் உள்ள அந்தந்த வீட்டுக்கு குறித்த யுவதி கடந்த ஏப்ரல் மாதம் இலங்கைக்கு வந்து குறித்த வீட்டில் தங்கியிருந்தமை தெரியவந்துள்ளதாகவும் பொலிஸார் தெரிவிக்கின்றனர்.

 கடந்த 10ம் திகதி இங்கிலாந்து செல்ல தயாராகி கொண்டிருந்த போதுஇ ​​அதிகாலையில் இருவருக்கும் இடையே வாக்குவாதம் ஏற்பட்டுள்ளது.

 அதன்பிறகு, அவர் இந்த அடுக்குமாடி குடியிருப்பில் இருந்து தவறி விழுந்தது தெரியவந்தது என்று பொலிசார் தெரிவித்தனர்.

 இந்த பெண் அடுக்குமாடி குடியிருப்பில் இருந்து விழுந்தாளா?, இல்லை என்றால், யாரேனும் அவளைத் தள்ளினார்களா என்பது குறித்து பல கோணங்களில் விசாரணை நடத்தப்படுகிறது.

 உயிரிழந்த யுவதியின் சடலம் களுபோவில வைத்தியசாலையின் பிரேத அறையில் வைக்கப்பட்டுள்ளது.

இச்செய்திக்கு பிரதான அனுசரணை

வீடியோ இங்கே