மத்திய பிரதேசம், ராஜஸ்தான் மாநிலங்களுக்கு பிரதமர் மோடி இன்று சுற்றுப்பயணம்!

பிரதமர் மோடி ராஜஸ்தானில் ரூ.7,000 கோடி, மத்திய பிரதேசத்தில் ரூ.19,260 கோடி மதிப்பிலான வளர்ச்சி திட்டங்களுக்கு அடிக்கல் நாட்டுகிறார். ராஜஸ்தானில் சித்தூர்களுக்கு பயணம் மேற்கொள்ளும் பிரதமர், மெஹாசானா-பதிண்டா-குர்தாஸ்பூர் எரிவாயு குழாய் இணைப்பைத் தொடங்கி வைக்கிறார். அபு சாலையில் இந்துதாஸ்தான் பெட்ரோலியம் கார்ப்பரேஷன் நிறுவனம் அமைத்துள்ள சமையல் எரிவாயு நிரப்பு நிறுவனத்தை தொடங்கி வைக்கிறார்.

மேலும், ரூ.1,480 கோடி செலவில் அமைக்கப்பட்ட தாரா-ஜலவர்-தீன்தர் பிரிவின் நான்கு வழி தேசிய நெடுஞ்சாலையை பிரதமர் நாட்டுக்கு அர்ப்பணிக்கிறார். ரூ.11,895 கோடி மதிப்பில் மேம்படுத்தப்பட்ட டெல்லி-வதோதரா விரைவு சாலையை மத்திய பிரதேசத்தின் குவாலியரில் பிரதமர் மோடி தொடங்கி வைக்கிறார்.

மேலும் ரூ.1,880 கோடி மதிப்பிலான 5 சாலை திட்டங்களுக்கு அடிக்கல் நாட்டுகிறார். பிரதமரின் அனைவருக்கும் வீட்டு வசதி திட்டத்தின் கீழ் ஊரக மற்றும் நகர்புறப் பகுதிகளில் கட்டப்பட்ட வீடுகள், ஜல் ஜீவன் திட்டம் உள்ளிட்ட பல்வேறு திட்டங்களை பிரதமர் மோடி தொடங்கி வைக்கிறார்.