இலங்கை பெற்றோலிய கூட்டுத்தாபனத்திற்கு ஒழுங்குப்படுத்தல் சபையை அமைக்க முன்மொழிவு!

இலங்கை பெற்றோலியக் கூட்டுத்தாபனத்திற்கு  ஒழுங்குபடுத்தும் சபையொன்றை அமைப்பது தொடர்பில் கலந்துரையாடப்பட்டு வருவதாக மின்சக்தி மற்றும் எரிசக்தி அமைச்சர் காஞ்சன விஜேசேகர இன்று (05.10) தெரிவித்தார்.  

விலை ஒழுங்குமுறைகள் தற்போது மின்சாரம் மற்றும் எரிசக்தி அமைச்சினால் செய்யப்படுவதாகவும், விலை நிர்ணயம் மற்றும் விநியோகம் ஆகிய இரண்டும் முன்னர் CPC ஆல் மேற்கொள்ளப்பட்டதாகவும் அமைச்சர் பாராளுமன்றத்தில் தெரிவித்துள்ளார்.

சந்தையில் நுழையும் புதிய போட்டியாளர்களுடன். அதிக போட்டி இருக்கும் என்பதால் ஒரு தனி ஒழுங்குமுறை அமைப்பு முக்கியமானது என்றும் அவர் வலியுறுத்தியுள்ளார். 

இலங்கை பொதுப் பயன்பாட்டு ஆணைக்குழு (PUCSL) மின்சாரத் துறையை ஒழுங்குபடுத்துவதற்குப் பணிக்கப்படுவதாகவும், புதிய ஒழுங்குமுறை அமைப்பு ஆற்றல் துறையை ஒழுங்குபடுத்துவதற்கு பணிக்கப்படும் என்றும் அமைச்சர் கூறினார்.

இச்செய்திக்கு பிரதான அனுசரணை

வீடியோ இங்கே