கணேமுல்ல சஞ்சீவவின் துப்பாக்கி முல்லேரியா முட்புதரில் கண்டுபிடிப்பு

கணேமுல்ல சஞ்சீவ என்ற பாதாள உலக தலைவன் மக்களைக் கொலை செய்ய பயன்படுத்தியதாக சந்தேகிக்கப்படும் நுண் ரக துப்பாக்கிகள் 02 மற்றும் உயிருள்ள தோட்டாக்கள் அடங்கிய 02 மகசீன்கள் முல்லேரியா குமார மாவத்தையில் உள்ள முட்புதரில் மறைத்து வைக்கப்பட்டிருந்த நிலையில் பேலியகொட குற்றத்தடுப்பு பிரிவினரால் நேற்று முன்தினம் (04) இரவு கண்டுபிடிக்கப்பட்டுள்ளது.

வீரங்குள பொலிஸாரின் கடுமையான பாதுகாப்பில் தடுத்து வைக்கப்பட்டுள்ள கணேமுல்ல சஞ்சீவவிடம் மேற்கொள்ளப்பட்ட விசாரணைகளின் போது தெரியவந்த தகவலின் அடிப்படையில் இந்த இரண்டு தானியங்கி கைத்துப்பாக்கிகளும் இரண்டு மகசீன்களும் கண்டுபிடிக்கப்பட்டுள்ளன.

 இந்த ஆயுதங்கள் பாகிஸ்தானில் இருந்தோ அல்லது போதைப்பொருள் கடத்தும் நாட்டிலிருந்தோ கொண்டு வரப்பட்டிருக்கலாம் என பொலிசார் சந்தேகிக்கின்றனர்.

 இதேவேளை, சஞ்சீவ விசாரணைக்காக கணேமுல்லையில் தடுத்து வைக்கப்பட்டுள்ள வீரங்குள பொலிஸாருக்கு பலத்த பாதுகாப்பை வழங்க பொலிஸ் தலைமையகம் ஏற்பாடு செய்துள்ளது.

 பொலிஸாருக்கு மேலதிகமாக பொலிஸ் விசேட அதிரடிப்படையின் குழுவொன்றும் இதற்காக ஈடுபடுத்தப்பட்டுள்ளது.

 சஞ்சீவ அடைக்கப்பட்டுள்ள சிறைச்சாலை மற்றும் அதனைச் சுற்றியுள்ள பகுதிகளிலும் காவல்துறையினரால் சாலைத் தடுப்புகள் போடப்பட்டுள்ளன. சிசிடிவி கேமராக்கள் பொருத்தப்பட்டு பாதுகாப்பு போடப்பட்டுள்ளது.

இச்செய்திக்கு பிரதான அனுசரணை

வீடியோ இங்கே