இலங்கையின் கடன் மீட்பு வேலைத்திட்டம் துரிதமாக உள்ளது - நிர்மலா சீதாராமன்!

இலங்கையின் கடன் மீட்பு வேலைத்திட்டம் ஏனைய நாடுகளில் அமுல்படுத்தப்படும் வேலைத்திட்டங்களுடன் ஒப்பிடுகையில் மிக வேகமாக நடைபெற்று வருவதாக இந்திய நிதியமைச்சர் நிர்மலா சீதாராமன் தெரிவித்துள்ளார்.  

சர்வதேச நாணய நிதியம் மற்றும் உலக வங்கியின் வருடாந்த மாநாட்டுடன் இணைந்து மொரோக்கோவின் மராகேஷில் நடைபெற்ற ஊடகவியலாளர் சந்திப்பில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார். 

இதன்போது மேலும் கருத்து வெளியிட்ட அவர்,   "இலங்கை சிரமங்களை எதிர்கொண்ட போது, ​​அது ஒரு நடுத்தர வருமானம் கொண்ட நாடாக இருந்தது. ஆனால் கொவிட் தாக்கம் மற்றும் அதனால் ஏற்பட்ட ஸ்திரமின்மை காரணமாக அந்த நிலை வீழ்ச்சியடைந்தது. 

இலங்கை குறைந்த வருமானம் கொண்ட நாடாக மாறியது. இலங்கை எதிர்கொண்ட நெருக்கடி காரணமாக, நடுத்தர வருமானம் கொண்ட நாடாக இருந்த இது ஒரு பொதுவான கட்டமைப்பிற்குள் தீர்க்க முடியாத ஒரு சூழ்நிலையாகும். அதனால்தான் இந்த நெருக்கடியை பொதுவான கட்டமைப்பில் எதிர்கொள்ள அது தகுதி பெறவில்லை.

சர்வதேச நாணய நிதியத்தின் மூலம் இலங்கை பெறும் தீர்வுகள் மிகவும் சரியானவை மற்றும் மிக விரைவானவை என்று நான் நினைக்கிறேன். மற்றவர்களுக்கு எதிரான பொதுவான கட்டமைப்பை நான் மதிப்பிடவில்லை. ஆனால் பொதுவாக இன்று IMF மற்றும் பல நிறுவனங்களில், செயல்முறை வேகமாக இருக்க வேண்டும்.

இலங்கையில் முன்மொழிவுகள் வேகமாக நடப்பதாக கூறப்படுகிறது. "இந்தியாவின் தலைமையின் கீழ் உள்ள சர்வதேச நாணய நிதியம் மற்றும் உலக வங்கியுடன், இறையாண்மைக் கடன் தொடர்பான கடன் வழங்குநர் குழுக்களை நிறுவும் போது இலங்கையின் கடன் நெருக்கடி பிரச்சினை பற்றி நாங்கள் விவாதித்தோம்” எனத் தெரிவித்துள்ளார். 

இச்செய்திக்கு பிரதான அனுசரணை

வீடியோ இங்கே