'லியோ' படத்துக்கு அதிகாலை 7 மணி காட்சிக்கு புதுச்சேரியில் அனுமதி!

நடிகர் விஜய் நடிப்பில் லோகேஷ் கனகராஜ் இயக்கத்தில் உருவாகியுள்ள 'லியோ' திரைப்படம் வரும் 19ஆம் தேதி திரையரங்குகளில் வெளியாக உள்ளது. தமிழகத்தில் 'லியோ' படத்தின் முதல் காட்சியை காலை 9 மணிக்கு திரையிட அனுமதி வழங்கப்பட்டுள்ளது.

இந்நிலையில், புதுச்சேரியில் 'லியோ' படத்தின் முதல் காட்சியை காலை 7 மணிக்கு திரையிட மாவட்ட ஆட்சியர் வல்லவன் அனுமதி அளித்துள்ளார். அனுமதியின்படி, 19ம் தேதி முதல் 24ம் தேதி வரை காலை 7 மணி காட்சி திரையிடப்படும் என்றும், ஒரு நாளைக்கு 5 காட்சிகள் மட்டுமே திரையிட வேண்டும் எனவும் அவர் உத்தரவிட்டுள்ளார்.