மன்னார் மற்றும் பூநகரியில் அதானி குழுமத்தின் காற்றாலை மின் திட்டத்திற்கு அரசாங்கம் பச்சைக்கொடி

மன்னார் மற்றும் பூநகரியில் 484 மெகா வாட் காற்றாலை மின் நிலையங்களை அபிவிருத்தி செய்வதற்கு அரசாங்கம் பச்சைக்கொடி காட்டியுள்ளது. இந்த முயற்சி இந்தியாவின் அதானி கிரீன் எனர்ஜி லிமிடெட் உடன் கையெழுத்திட்ட புரிந்துணர்வு ஒப்பந்தமாக (MoU) வருகிறது.

 இந்த முடிவிற்கு இணங்க, நிறுவனம் சமர்ப்பித்த திட்ட முன்மொழிவை மதிப்பீடு செய்யும் பணிக்காக ஒரு பேச்சுவார்த்தைக் குழுவை அமைச்சரவை நியமித்தது. குழுவின் பரிந்துரைகளை அடுத்து, மின்சக்தி மற்றும் எரிசக்தி அமைச்சர் சமர்ப்பித்த தீர்மானத்துக்கு அமைச்சரவை ஒப்புதல் அளித்துள்ளது.

 இந்த தீர்மானம், உத்தேச திட்டத்தின் கீழ் உற்பத்தி செய்யப்படும் மின்சாரத்திற்கான KW ஒன்றிற்கு USD 8 மற்றும் 26 சென்ட் என்ற இறுதி விலையை ஏற்றுக்கொள்கிறது, உண்மையான அந்நிய செலாவணி விகிதத்தின் அடிப்படையில் இலங்கை ரூபாயில் செலுத்தப்படும்.

 இந்த காற்றாலை மின் திட்ட ஒப்பந்தத்தை அதானி கிரீன் எனர்ஜி எஸ்எல் லிமிடெட் நிறுவனத்திற்கு 20 ஆண்டுகளுக்கு வழங்க முடிவு செய்யப்பட்டுள்ளது.

இச்செய்திக்கு பிரதான அனுசரணை

வீடியோ இங்கே