நாட்டின் பல்வேறு பகுதிகளில் இடம்பெற்ற வீதி விபத்துக்களில் மூவர் பலி!

ஹலவத்தை - புத்தளம் பிரதான வீதியில் ஜயபிம பிரதேசத்தில் பஸ்ஸொன்று முன்னால் இயங்கும் ஈர்ப்பு இயந்திரத்தின் பின்புறத்தில் மோதியதில் பெண் ஒருவர் உயிரிழந்துள்ளார். 

விபத்தில் காயமடைந்த மேலும் 10 பேர் ஹலவத்த வைத்தியசாலையில் அனுமதிக்கப்பட்டுள்ளதாக பொலிஸார் மேலும் தெரிவித்தனர்.  

இந்த விபத்து நேற்று (22.06) இடம்பெற்றுள்ளதாக பொலிஸார் தெரிவிக்கின்றனர்.  

கீழ் கிரிபாவ பகுதியைச் சேர்ந்த 58 வயதுடைய பெண் ஒருவரே இவ்வாறு உயிரிழந்துள்ளார். 

சம்பவம் தொடர்பில் பஸ் சாரதி கைது செய்யப்பட்டுள்ளதுடன் ஹலவத்தை பொலிஸார் மேலதிக விசாரணைகளை மேற்கொண்டு வருகின்றனர். 

இதேவேளை, அனுராதபுரம் - ரம்பேவ பிரதான வீதியின் பரசங்கஸ்வெவ பகுதியில் மோட்டார் சைக்கிள் ஒன்று லொறியுடன் எதிர்திசையில் மோதிய விபத்தில் 57 வயதுடைய நபர் ஒருவர் உயிரிழந்துள்ளார். 

இதேவேளை, லஹினகல - தம்வெலௌடியா வீதியில் ஹம்பேகமுவ பொலிஸ் பிரிவுக்குட்பட்ட லஹினகல பிரதேசத்தில் மோட்டார் சைக்கிள் ஒன்று பாதசாரிகள் மீது மோதியதில் 73 வயதுடைய நபர் ஒருவர் உயிரிழந்துள்ளார்.

இச்செய்திக்கு பிரதான அனுசரணை

வீடியோ இங்கே