இங்கிலாந்தில் நடைபெறும் போராட்டத்தில் விடுதலை புலிகள் அமைப்பின் இலட்சினை பயன்பாடு தொடர்பில் அதிருப்தி!

புலம்பெயர் தமிழ் செயற்பாட்டாளர்களால் ஏற்பாடு செய்யப்பட்டிருந்த ஆர்ப்பாட்டத்தின் போது விடுதலைப் புலிகளின் சின்னங்கள் காட்சிப்படுத்தப்பட்டமை தொடர்பில் இலங்கை இங்கிலாந்து உள்துறை அலுவலகத்துடன் எதிர்ப்பு தெரிவித்ததாக அதிகாரி ஒருவர் தெரிவித்தார்.  

இலங்கை-இங்கிலாந்து மூன்றாவது டெஸ்ட் போட்டியின் மூன்றாவது நாளுக்கு முன்னதாக, செப்டம்பர் 8 ஆம் திகதி ஓவல் மைதானத்தின் பிரதான நுழைவாயிலுக்கு வெளியே போராட்டம் நடைபெற்றது. 

இலங்கை அரசின் மனித உரிமை மீறல்களை காரணம் காட்டி இலங்கை கிரிக்கெட்டை தடை செய்யுமாறு சர்வதேச கிரிக்கெட் கவுன்சிலுக்கு (ஐ.சி.சி.) கோரிக்கை விடுத்தனர். 

உலகம் முழுவதும் தடை செய்யப்பட்ட பயங்கரவாத அமைப்பான எல்.ரீ.ரீ.ஈ யின் இலச்சினையை ஆர்ப்பாட்டக்காரர்கள் காட்சிப்படுத்தியிருந்தனர். 

லண்டனில் உள்ள இலங்கை உயர் ஸ்தானிகர் ரோஹித போகொல்லாகம, இங்கிலாந்து உள்துறை அலுவலகத்திடம் இதனைத் தெரிவித்ததாக டெய்லி மிரருக்குத் தெரிவித்தார். 

பிரித்தானியாவில் விடுதலைப் புலிகள் மீதான தடையை நீக்குமாறு TGTE (TGTE (Transitional Government of Tamil Eelam)) விடுத்த வேண்டுகோளை இந்த ஆண்டு UK தடைசெய்யப்பட்ட அமைப்புகளின் மேல்முறையீட்டு ஆணையம் நிராகரித்தது. 

மார்ச் 29, 2001 அன்று, UK இராஜாங்கச் செயலர் எல்.ரீ.ரீ.ஈயை பயங்கரவாதச் சட்டம் 2000 (தடைசெய்யப்பட்ட அமைப்புகள்) (திருத்தம்) ஆணை 2001 இன் அட்டவணை 2 இல் தடைசெய்யப்பட்ட அமைப்புகளின் பட்டியலில் சேர்த்தார். புலிகளுக்கு ஆதரவான புலம்பெயர் செயற்பாட்டாளர்கள் இதற்கு முன்னர் முயற்சிகளை மேற்கொண்டனர்.