ஜனாதிபதியின் உறுதிமொழிக்கு அமைய மாற்றங்களை அமுல்படுத்துவோம் - மேல் மாகாண ஆளுநர்!

ஜனாதிபதி அனுரகுமார திஸாநாயக்கவின் உறுதிமொழிக்கு அமைய மாற்றங்களை அமுல்படுத்த தீர்மானித்துள்ளதாக மேல் மாகாண ஆளுநராக அண்மையில் நியமிக்கப்பட்ட வர்த்தக தலைவர் ஹனீப் யூசுப் தெரிவித்துள்ளார். 

 புதிய ஆளுநராகப் பதவியேற்றதன் பின்னர் ஊடகங்களுக்கு கருத்து தெரிவிக்கும் போதே அவர் மேற்கண்டவாறு தெரிவித்தார். 

 "அமைப்பில் அர்த்தமுள்ள மாற்றத்தை கொண்டு வரவும், ஏழைகளை மேம்படுத்தவும், பொதுத்துறையை வலுப்படுத்தவும் ஒரு தெளிவான குறிக்கோளுடன் ஜனாதிபதி என்னை நியமித்துள்ளார்" என்று யூசுப் கூறினார். 

 மேலும், புதிய ஆளுநர், ஊழல் மற்றும் லஞ்சத்திற்கு முற்றுப்புள்ளி வைப்பதில் தனது அர்ப்பணிப்பை வெளிப்படுத்தினார். “இது என்னால் மட்டும் செய்ய முடியாத காரியம் அல்ல, நாம் அனைவரும் கைகோர்த்து செயல்பட்டால் முடியாத காரியம் அல்ல. 

என்னிடம் ஒரு திட்டம் உள்ளது, சாதாரண மக்களின் வாழ்வாதாரத்தை மேம்படுத்தும் மாற்றங்களை கொண்டு வர அனைவரின் ஆதரவையும் எதிர்பார்க்கிறேன். ," என்று அவர் மேலும் கூறினார்.