ஹிருணிகா பிரேமச்சந்திரவின் வழக்கு தொடர்பில் நீதிமன்றம் விடுத்துள்ள உத்தரவு!

முன்னாள் பாராளுமன்ற உறுப்பினர் ஹிருணிகா பிரேமச்சந்திர உள்ளிட்ட 14 சந்தேகநபர்களுக்கு எதிரான முறைப்பாட்டினை பெப்ரவரி 10ஆம் திகதி அழைக்குமாறு கொழும்பு நீதவான் நீதிமன்றம் உத்தரவிட்டுள்ளது.

 அது தொடர்பான முறைப்பாடு இன்று (21) கொழும்பு பிரதான நீதவான் திலின கமகே முன்னிலையில் அழைக்கப்பட்ட போதே அது இடம்பெற்றுள்ளது. இந்த சம்பவம் தொடர்பான விசாரணை அறிக்கைகள் சட்டமா அதிபர் திணைக்களத்தின் ஆலோசனைக்காக அனுப்பி வைக்கப்பட்டுள்ளதாக விசாரணைகளை மேற்கொண்டு வரும் குருந்துவத்தை பொலிஸார் நீதிமன்றில் அறிவித்துள்ளனர்.

 இந்த வழக்கு தொடர்பான சட்டமா அதிபரின் அறிவுறுத்தல்கள் இதுவரை கிடைக்கப்பெறவில்லை எனவும் பொலிஸார் குறிப்பிட்டுள்ளனர். சந்தேகநபர்கள் சார்பில் ஆஜரான சட்டத்தரணி அதுல ரணகல, பெண்களுக்கு எதிரான வன்முறைகள் தொடர்பில் சமூகத்திற்கு தெரியப்படுத்துவதற்காகவே சந்தேகநபர்களால் இந்த ஆர்ப்பாட்டம் முன்னெடுக்கப்பட்டதாகவும், அரசாங்கத்தை குழப்பும் சதித்திட்டம் எதுவும் இல்லை எனவும் நீதிமன்றத்தில் தெரிவித்துள்ளார்.

 எவ்வாறாயினும், இந்த வழக்கு தொடர்பான கோப்புகள் சட்டமா அதிபரின் ஆலோசனைக்காக அனுப்பி வைக்கப்பட்டுள்ளதால், இது தொடர்பில் சட்டமா அதிபருக்கு அறிவிக்க நடவடிக்கை எடுக்கப்பட வேண்டுமென நீதவான் குறிப்பிட்டுள்ளார். 

 அதன்பிறகு, சம்பந்தப்பட்ட புகார் மனுவை பிப்ரவரி 10-ம் தேதி விசாரிக்க உத்தரவிடப்பட்டது. கடந்த சர்வதேச மகளிர் தினத்தன்று குருந்துவத்தை பொலிஸ் பிரிவில் பொதுமக்களுக்கு முற்றுகைப் போராட்டம் நடத்திய சம்பவம் தொடர்பில் இவர்கள் கைது செய்யப்பட்டு நீதிமன்றில் முற்படுத்தப்பட்டனர்.

இச்செய்திக்கு பிரதான அனுசரணை

வீடியோ இங்கே