தேசிய பாதுகாப்பிற்கு அச்சுறுத்தலாக செயற்பட்ட 06 பேர் கைது!

தேசிய பாதுகாப்பு மற்றும் சுற்றுலா பயணிகளின் பாதுகாப்பிற்கு அச்சுறுத்தல் ஏற்படுத்தும் வகையில் செயற்பட்ட 06 பேர் கைது செய்யப்பட்டு விசாரணைகள் முன்னெடுக்கப்பட்டு வருவதாக பொது பாதுகாப்பு அமைச்சர் விஜித ஹேரத் தெரிவித்துள்ளார்.

 கைது செய்யப்பட்டவர்களில் வெளிநாட்டு பிரஜை ஒருவரும் அடங்குவதாக அமைச்சர் குறிப்பிட்டுள்ளார். 

 அறுகம்பே பிரதேசத்தில் தாக்குதல் நடத்தப்படவுள்ளதாக புலனாய்வுப் பிரிவினருக்கு கிடைத்த தகவலின் பேரில், கொழும்பின் நிதி நிலையங்களை புகைப்படம் எடுக்கும் சம்பவங்கள் தொடர்பிலும் சந்தேகநபர்கள் கைது செய்யப்பட்டுள்ளனர். 

 இந்த விடயம் தொடர்பில் மேலும் கருத்து தெரிவித்த பொது பாதுகாப்பு அமைச்சர் விஜித ஹேரத், “சமீபத்தில் நமது வெளிநாட்டு சுற்றுலா பயணிகளுக்கு விபத்து நடப்பதாக தகவல் வந்தது. 

அது வந்த உடனேயே நாட்டின் தேசிய பாதுகாப்பு மற்றும் வெளிநாட்டினரின் பாதுகாப்பை உறுதி செய்ய நடவடிக்கை எடுத்தோம். இதை சாதகமாக்க எதிர்கட்சிகள் காத்திருந்தன. 

இதுவரை 06 பேரை கைது செய்துள்ளோம், மேலும் 5 இலங்கையர்கள் எங்கள் காவலில் உள்ளனர், ஏனெனில் 06 பேரிடம் இருந்து பெறப்பட்ட தகவல்களால் இது போன்ற ஒரு முடிவை எடுக்க முடியாது. இருப்பினும், நாட்டு மக்கள் விரும்புவது, அந்த பாதுகாப்பை உறுதி செய்ய வேண்டும்” எனத் தெரிவித்துள்ளார். 

இச்செய்திக்கு பிரதான அனுசரணை

வீடியோ இங்கே