நாட்டில் அரசியல் கலாசாரத்தை மாற்றியமைப்பதே எங்கள் நோக்கம் - அனுரகுமார!

நாட்டில் அரசியல் கலாசாரத்தை மாற்றியமைப்பதே தேசிய மக்கள் சக்தியின் நம்பிக்கை என ஜனாதிபதி அனுரகுமார திஸாநாயக்க தெரிவித்துள்ளார். 

அரசியலுக்கு ஏதாவது ஒரு தரநிலை இருக்க வேண்டும் என ஜனாதிபதி சுட்டிக்காட்டியுள்ளார். 

மொனராகலை பிரதேசத்தில் இடம்பெற்ற மக்கள் சந்திப்பொன்றில் கலந்து கொண்டு உரையாற்றும் போதே ஜனாதிபதி அனுரகுமார திஸாநாயக்க மேற்கண்டவாறு தெரிவித்தார்.

இதன்போது மேலும் கருத்து வெளியிட்டுள்ள அவர்,  “நம் நாட்டுக்கு அரசியலில் ஒரு தரம் வேண்டும். அரசியல்வாதி நினைத்ததைச் செய்யலாமா?இல்லை. அதற்கு ஒரு அளவுகோல் இருக்கிறது. 

அரசியல்வாதி ஒரு குறிப்பிட்ட கட்டமைப்பில் செயல்பட வேண்டும். அரசியல்வாதி சட்டத்திற்குக் கீழ்ப்படிய வேண்டும். அரசியல்வாதி நாகரீகமான சட்டத்தில் இருக்க வேண்டும்.  

நாட்டின் ஜனாதிபதியாக இருந்தாலும், பொதுச் சொத்தை நாங்கள் விரும்பியபடி பயன்படுத்த முடியாது, அதனால்தான் இதுபோன்ற அரசியலை நாங்கள் விரும்பவில்லை” எனத் தெரிவித்துள்ளார்.