மூன்று கட்டங்களாக எண்ணப்படும் பொதுத் தேர்தல் வாக்குகள்

பொதுத் தேர்தலுக்கான வாக்கு எண்ணிக்கை எதிர்வரும் 14ஆம் திகதி மாலை 4.15 மணிக்கு ஆரம்பமாகும் என தேர்தல்கள் ஆணைக்குழுவின் தலைவர் ஆர்.எம்.ஏ.எல். ரத்நாயக்க தெரிவித்துள்ளார்.

தகவல் திணைக்களத்தில் நடைபெற்ற பொதுத் தேர்தல் தொடர்பில் அறிவிக்கும் விசேட செய்தியாளர் மாநாட்டில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.

மேலும் கருத்து தெரிவித்த அவர், மாலை 4.15 மணிக்கு தபால் வாக்குகளை எண்ணும் பணி தொடங்கும். வாக்கு எண்ணிக்கை 14ஆம் திகதி இரவு 7.15 மணிக்கு வாக்குச்சாவடிகளில் இருந்து வாக்குப்பெட்டிகள் பெறப்பட்டவுடன் அதிகாரிகள் முடிந்ததும் அந்தந்த மாவட்டங்களில் உள்ள வாக்கு எண்ணும் மையங்களில் வாக்கு எண்ணிக்கை தொடங்கும்.

வாக்கு எண்ணிக்கை மூன்று கட்டங்களாக நடைபெறுகிறது. முதலில் ஒவ்வொரு வாக்குப் பெட்டியிலும் பதிவான வாக்குகள் எண்ணப்படுகின்றன. இரண்டாவது எண்ணிக்கையானது அங்கீகரிக்கப்பட்ட அரசியல் கட்சிகள் மற்றும் சுயேச்சைக் குழுக்கள் ஒவ்வொன்றிற்கும் பெற்ற வாக்குகளின் எண்ணிக்கையாகும்.

பெறப்பட்ட வாக்குகளின் எண்ணிக்கையின்படி, ஒவ்வொரு அங்கீகரிக்கப்பட்ட அரசியல் கட்சி மற்றும் சுயேச்சைக் குழுவிலிருந்து தேர்ந்தெடுக்கப்படும் இடங்களின் எண்ணிக்கை கணக்கிடப்படுகிறது.

பின்னர் அங்கீகரிக்கப்பட்ட அரசியல் கட்சிகள் அல்லது சுயேச்சைக் குழுக்களில் இருந்து தோன்றிய வேட்பாளர்களின் விருப்பத்தேர்வுகள் கணக்கிடப்படுகின்றன.

 அங்கீகரிக்கப்பட்ட அரசியல் கட்சிகள் அல்லது சுயேச்சைக் குழுக்களின் ஒவ்வொரு வேட்பாளர்களும் அதிக வாக்குகளின் அடிப்படையில் தேர்ந்தெடுக்கப்படுகிறார்கள்.