யாழ். உடுப்பிட்டி பகுதியில் வீட்டினுள் பிடிபட்ட முதலை!

யாழ்ப்பாணம் உடுப்பிட்டி பகுதியில் உள்ள வீடு ஒன்றில் இன்று காலை முதலை ஒன்று பிடிபட்டுள்ளதாக ஊர் மக்கள் தெரிவித்துள்ளனர்.

 குறித்த பகுதியில் உயிருடன் காணப்பட்ட முதலையை ஊர் மக்கள் ஒன்று சேர்ந்து பிடித்து கட்டிய பின்னர் வன ஜீவராசிகள் திணைக்களத்திற்கு அறிவித்துள்ளனர்.

 யாழில் தொடர்ந்து பெய்து வரும் மழையினால் ஏற்பட்ட வெள்ளம் காரணமாக நீர்நிலைகளில் உள்ள முதலைகள் ஊருக்குள் புகுந்துள்ளதாக அப்பகுதி மக்கள் தெரிவித்துள்ளனர்.

 இதேவேளை அண்மையில் யாழ்.நல்லூர் பகுதியில் உள்ள ஆலயம் ஒன்றிற்கு அருகில் 8 அடி நீளமுள்ள முதலை ஒன்று பிடிபட்டிருந்தமை குறிப்பிடத்தக்கது.