கோகைனுடன் இலங்கை வந்த பிரேசில் நாட்டவர் விமான நிலையத்தில் கைது!

சட்டவிரோதமாக நாட்டிற்கு கொண்டு வரப்பட்ட ஒரு தொகை கோகைனுடன் பிரேசில் நாட்டவர் ஒருவரை சுங்க போதைப்பொருள் கட்டுப்பாட்டுப் பிரிவின் அதிகாரிகள் இன்று (20) காலை கைது செய்தனர். 

கைது செய்யப்பட்ட நபர் 59 வயதான பிரேசிலிய ஆசிரியர் ஆவார். அவர் கொண்டு வந்த கோகைன் 4 கிலோகிராம் 855 கிராம் எடை கொண்டது என்றும், அதன் மதிப்பு 240 மில்லியன் ரூபாய் என்றும் சுங்க அதிகாரிகள் தெரிவிக்கின்றனர். 

சம்பந்தப்பட்ட கோகைன் கடத்தல் பறிமுதல் செய்யப்பட்டுள்ளதாகவும், சந்தேக நபர் அவற்றை அட்டைப் பெட்டியில் ஒட்டி, அதன் மேல் கருப்பு காகிதத்தை ஒட்டி, தலா 2 அட்டைகள் என 7 சிறிய பைகளில் அடைத்து, பின்னர் ஒரு சூட்கேஸில் அடைத்து வைத்திருந்ததாகவும் சுங்க அதிகாரிகள் தெரிவிக்கின்றனர். 

கைப்பற்றப்பட்ட போதைப்பொருள் பொதியையும், பயணியையும் மேலதிக விசாரணைக்காக கட்டுநாயக்க விமான நிலைய பொலிஸ் போதைப்பொருள் தடுப்புப் பணியக அதிகாரிகளிடம் ஒப்படைக்க நடவடிக்கை எடுக்கப்பட்டுள்ளது.

லங்கா4 (Lanka4)