அரச அதிகாரிகளுக்கு வரி இல்லாத வாகன உரிமங்கள் மீண்டும் வழங்கப்படுமா?
2026 ஆம் ஆண்டுக்கான வரவு செலவு திட்டத்தில் இலங்கை அரசு அதிகாரிகளுக்கு வழங்கப்பட்ட வரி இல்லாத வாகன உரிமங்களை மீண்டும் வழங்குவதற்கான சாத்தியக்கூறுகள் இல்லை என்று கொழும்பை தளமாகக் கொண்ட ஒரு ஊடகம் தெரிவித்துள்ளது.
இந்த வசதியை முற்றிலுமாக நிறுத்தி வைப்பது குறித்து அரசாங்கம் பரிசீலித்து வருவதாக கருவூல வட்டாரங்கள் தெரிவித்தன. 2026 ஆம் ஆண்டு வரவு செலவு திடத்தை தாக்கல் செய்வதற்கு இன்னும் ஒருமாதமே உள்ள நிலையில் இந்த தகவல் வெளியாகியுள்ளது.
மருத்துவர்கள் உட்பட சுமார் 23,000 அரசு அதிகாரிகளின் வரி இல்லாத வாகன உரிமங்கள் ஏற்கனவே நிறுத்தி வைக்கப்பட்டுள்ளன, மேலும் இந்த வசதிக்கு தகுதி பெற இன்னும் பல அதிகாரிகள் காத்திருக்கின்றனர்.
2020 முதல் 25,508 அரசு அதிகாரிகளுக்கு உரிமங்கள் வழங்கப்பட்டுள்ளதாக நிதி அமைச்சக அதிகாரி ஒருவர் உறுதிப்படுத்தினார். இந்த உரிமங்கள் பெரும்பாலும் ரூ. 3.6 மில்லியன் வரை வரி சலுகைகளை வழங்குகின்றன என்பது குறிப்பிடத்தக்கது.
(வீடியோ இங்கே )
அனுசரணை
இச்செய்திக்கு பிரதான அனுசரணை
வீடியோ இங்கே
