தித்வா சூறாவளியால் பாதிக்கப்பட்ட பாடசாலைகளின் மதிப்பீட்டைத் தொடர்ந்து, கல்வி அமைச்சகம், யுனிசெஃப் உடன் இணைந்து, விரைவாக மீட்டெடுக்கக்கூடிய பாடசாலைகளை புதுப்பிக்கவும், அதிக ஆபத்துள்ள பகுதிகளில் அமைந்துள்ள பாடசாலைகளை பாதுகாப்பான இடங்களுக்கு மாற்றவும் தேவையான நடவடிக்கைகளை எடுக்கும் என்று பிரதமர் டாக்டர் ஹரிணி அமரசூரிய தெரிவித்தார். 

 தித்வா சூறாவளியால் சேதமடைந்த பதுளை மாவட்டத்தில் உள்ள மீகஹகியுல தேசியப் பாடசாலையை இன்று  அன்று ஆய்வு செய்த பின்னர் அவர் இந்த கருத்துக்களை வெளியிட்டுள்ளார். 

இது தொடர்பில் பிரதமரின் ஊடகப் பிரிவு வெளியிட்டுள்ள செய்தியில்,  பலத்த காற்றினால் மரம் முறிந்து விழுந்ததால் முழுமையாக சேதமடைந்த கெடவத்த யோதா உல்பத சமூக மண்டபத்தில் இயங்கி வந்த பாலர் பாடசாலையையும் பிரதமர் ஆய்வு செய்தார். 

 பாலர் பாடசாலையை பாதுகாப்பான இடத்தில் மீண்டும் தொடங்க நடவடிக்கை எடுக்குமாறு அவர் அதிகாரிகளுக்கு அறிவுறுத்தினார். 

பாலர் பாடசாலை ஆசிரியர்களுக்கு வழங்கப்படும் கொடுப்பனவுகளை முறையாக வழங்குவது குறித்து கவனம் செலுத்திய பிரதமர், பேரிடர் சூழ்நிலைக்குப் பிறகு சேதமடைந்ததால் இனி இயங்க முடியாத பாலர் பாடசாலையை அதிகாரிகள் அடையாளம் கண்டு, அந்த பாலர் பாடசாலைகளுக்கான ஆசிரியர்களுக்கும் கொடுப்பனவுகள் வழங்கப்படுவதை உறுதி செய்ய வேண்டும் என்று வலியுறுத்தினார். 

லங்கா4 (Lanka4)

(வீடியோ இங்கே )

அனுசரணை