கனடாவின் ஒன்டாரியோ முதல் நியூஃபவுண்ட்லேண்ட் வரையிலான பெரும் பகுதிகளில் நிலவும் கடும் வானிலை காரணமாக மக்களின் இயல்பு வாழ்க்கை கடுமையாகப் பாதிக்கப்பட்டுள்ளது.

குறிப்பாக, சில பகுதிகளில் "மிக முக்கியமான உறைபனி மழை" பெய்யக்கூடும் என சுற்றுச்சூழல் கனடா எச்சரிக்கை விடுத்துள்ளது.

மாண்ட்ரியலில் 20 மில்லிமீட்டருக்கும் அதிகமான உறைபனி மழை பெய்ய வாய்ப்புள்ளதால், 70 ஆண்டுகளுக்கு முந்தைய (19.33 மி.மீ) சாதனையை இது முறியடிக்கக்கூடும் என எதிர்பார்க்கப்படுகிறது.

ஒட்டாவா மற்றும் கியூபெக் நகரங்களிலும் 24 மணிநேரத்தில் 40 மி.மீ வரை உறைபனி மழை பெய்யக்கூடும். மாண்ட்ரியல்-ட்ரூடோ விமான நிலையத்தில் மூன்றில் ஒரு பங்கு விமானங்கள் ரத்து செய்யப்பட்டுள்ளன.

ஒட்டாவா மற்றும் கியூபெக் சர்வதேச விமான நிலையங்களிலும் பல விமானங்கள் ரத்து செய்யப்பட்டுள்ளன. ஒன்டாரியோவில் புயல் காரணமாக சுமார் 33,000க்கும் அதிகமான வீடுகள் மின்சாரம் இன்றி இருளில் மூழ்கியுள்ளன. 

டொராண்டோ உள்ளிட்ட தெற்கு ஒன்டாரியோ பகுதிகளில் பலத்த மழை பெய்து வருகிறது. உறைந்த நிலையில் உள்ள தரைப்பகுதி நீரை உறிஞ்சும் தன்மையை இழந்துள்ளதால், சாலைகளில் வெள்ளம் தேங்கும் அபாயம் ஏற்பட்டுள்ளது.

லங்கா4 (Lanka4)

(வீடியோ இங்கே )

இச்செய்திக்கு பிரதான அனுசரணை

வீடியோ இங்கே