கடலில் ஒரு 'வைரஸ்' அச்சுறுத்தல்: சொகுசுக் கப்பலில் ஹன்டா வைரஸ் பாதிப்பு - ஸ்பெயின் அரசாங்கம் தீவிரம்!
அட்லாண்டிக் பெருங்கடலில் பயணித்துக் கொண்டிருக்கும் ‘MV Hondius’ என்ற சொகுசுக் கப்பலில் ஹன்டா (Hanta) வைரஸ் பரவல் காரணமாக மூன்று பயணிகள் உயிரிழந்துள்ளதாக ஸ்பெயின் சுகாதார அமைச்சு அதிர்ச்சித் தகவலை வெளியிட்டுள்ளது.
இந்தக் கப்பலில் பயணித்த மூன்று பயணிகள் ஏற்கனவே இந்த வைரஸ் பாதிப்பால் உயிரிழந்துள்ளனர். தற்போது கப்பலில் 23 நாடுகளைச் சேர்ந்த 149 பயணிகள் உள்ளனர்.
இவர்களில் பிரித்தானிய மருத்துவர் ஒருவரும், மற்றுமொரு பணியாளரும் மிக மோசமாகப் பாதிக்கப்பட்டுள்ள நிலையில், அவர்கள் மருத்துவ வானூர்தி மூலம் அவசரமாகக் கேனரி தீவுகளுக்கு (Canary Islands) அழைத்துச் செல்லப்படவுள்ளனர்.
மருத்துவ மீட்புப் பணி மற்றும் வெளியேற்றம் தற்போது இந்தக் கப்பல் கேப் வெர்டே (Cape Verde) பகுதியில் நங்கூரமிட்டுள்ளது. எனினும், அங்குப் போதிய மருத்துவ வசதிகள் மற்றும் அவசர சிகிச்சைக்கான உள்கட்டமைப்புகள் இல்லாததால், உலக சுகாதார அமைப்பின் (WHO) அறிவுறுத்தலின்படி பயணிகள் அனைவரும் கேனரி தீவுகளுக்கு அழைத்துச் செல்லப்படுகின்றனர்.
ஸ்பெயின் சுகாதார அமைச்சு இது குறித்து வெளியிட்டுள்ள அறிக்கையில், "கேனரி தீவுகளுக்கு வரவிருக்கும் பயணிகளில் பல ஸ்பானிய குடிமக்களும் அடங்குவர்.
அவர்களுக்குத் தேவையான மருத்துவ உதவிகளை வழங்குவது எமது தார்மீக மற்றும் சட்டப்பூர்வமான கடமையாகும்" எனத் தெரிவித்துள்ளது.
பொதுவாக ஹன்டா வைரஸ் எலிகள் போன்ற கொறித்துண்ணிகளின் கழிவுகள் மூலமே மனிதர்களுக்குப் பரவும். ஆனால், இந்தக் கப்பலில் ஏற்பட்டுள்ள பாதிப்பானது, பாதிக்கப்பட்டவர்களுடன் நெருங்கிய தொடர்பிலிருந்ததன் காரணமாக (Human-to-Human) ஒருவரிடமிருந்து மற்றவருக்குப் பரவியிருக்கலாம் என்று உலக சுகாதார அமைப்பு பலத்த சந்தேகம் வெளியிட்டுள்ளது.
இது மருத்துவ உலகில் புதிய அச்சுறுத்தலாகப் பார்க்கப்படுகிறது. எஞ்சியுள்ள பயணிகள் அனைவரும் இன்னும் 3 முதல் 4 நாட்களில் கேனரி தீவுகளைச் சென்றடைவார்கள் என எதிர்பார்க்கப்படுகிறது.
அங்கு அவர்கள் அனைவரும்: முழுமையான மருத்துவப் பரிசோதனைக்கு உட்படுத்தப்படுவர். தேவையான சிகிச்சைகள் மற்றும் தனிமைப்படுத்தல் காலம் நிறைவடைந்த பின்னரே அவர்கள் தங்கள் சொந்த நாடுகளுக்குத் திரும்ப அனுமதிக்கப்படுவர்.
கப்பலை இயக்கும் Oceanwide Expeditions நிறுவனம், எஞ்சியுள்ள பயணிகளின் பாதுகாப்பைக் கருத்தில் கொண்டு கப்பலுக்குள் கடுமையான சுகாதாரக் கட்டுப்பாடுகளைத் தொடர்ந்து பின்பற்றி வருவதாகத் தெரிவித்துள்ளது.
(வீடியோ இங்கே )
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
