முன்னாள் ஜனாதிபதி மஹிந்த ராஜபக்சவின் புதல்வர் யோஷித ராஜபக்ச உள்ளிட்ட பிரதிவாதிகளுக்கு எதிராகத் தாக்கல் செய்யப்பட்டுள்ள பணமோசடி வழக்கு தொடர்பான ஆரம்பக்கட்ட ஆட்சேபனையை மேல் நீதிமன்றம் இன்று நிராகரித்துள்ளது.

'கார்ல்டன் ஸ்போர்ட்ஸ் நெட்வொர்க்' (CSN) தொலைக்காட்சி நிறுவனத்தை ஆரம்பிப்பதற்காக 234 மில்லியன் ரூபாய் பணத்தை முறையற்ற வகையில் பயன்படுத்தியதாக யோஷித ராஜபக்ச உள்ளிட்ட ஐவர் மீது குற்றம் சுமத்தப்பட்டுள்ளது.

இந்த வழக்கை முன்னெடுத்துச் செல்ல முடியாது எனத் தெரிவித்து, யோஷித ராஜபக்ச தரப்பு சட்டத்தரணிகளால் ஆரம்பக்கட்ட ஆட்சேபனை முன்வைக்கப்பட்டிருந்தது.

இன்று இந்த ஆட்சேபனையை நிராகரித்த கொழும்பு மேல் நீதிமன்றம், வழக்கைத் தொடர்ந்தும் முன்னெடுத்துச் செல்லப் போதுமான காரணங்கள் இருப்பதாகத் தெரிவித்தது.

இதனைத் தொடர்ந்து, இந்த வழக்கின் சாட்சி விசாரணைகளை வரும் நாட்களில் ஆரம்பிப்பதற்கும் நீதிமன்றம் திகதி குறித்துள்ளது. 

இது ராஜபக்ச குடும்பத்தைச் சார்ந்த அரசியல் மற்றும் சட்ட வட்டாரங்களில் பெரும் பரபரப்பை ஏற்படுத்தியுள்ளது.

லங்கா4 (Lanka4)

(வீடியோ இங்கே )